Ons Wenkeblad

Hierdie wenke is ontvang van lesers 
van ons gereelde geselsbrief "Begin jou dag 'n slag met 'n lag".

Baie dankie aan Emily Kruger wat behulpsaam was met die opstel hiervan!

Om in te skryf om die geselsbrief gereeld te ontvang, 
stuur net jou E-pos adres aan D@nie.co.za.

 Inhoudsopgawe

Aambeie | Aanbrandsels | Aartappels | Arthritis | Asma / Benoude Bors | Balpuntpen Ink | Bloeddruk | Blomkool | Borskanker | Braaibrood | Braaipan | Bysteek | Dakke | Deep Fat Fryer – Skoonmaak | Dieet | Elektrisiteit | Foto-vergroting | Galstene | Glansvrugte | Goggas | Gom | Grondboontjiebotter – gebruike | Hakskene | Handdoeke | Handskoene | Hare | Hoesgoed | Honde | Huweliksherdenkinglys | Idees vir Kombuistee | Jeuk | Kakkerlakke | Katte | Kerrie | Klavierlesse | Klere - gevlek | Kondensmelk | Koorsblare | Koper | Kosverwarmers | Kougom | Kreukels | Kunsblomme | Leer ("Ladder") | Linnegoed | Lugverfrissers | Maagsweer | Matte en materiaal meubels - kolle | Melk | Miere | Minigeza | Molle | Motbolle | Muf - in klere | Muskiete | Muurteëls | Naellak verwyder | Naels | Neus - bloei | Olie - op plaveisel | Oliebottels  - skoonmaak | Pasteie | Plafonne | Plakkers (Stickers) | Potty training | Pynappel | Rakke - taai rakke of ander | Rekenaarwenk | Reuke | Roesvlekke | Room | Sement vir gebreekte glase | Sinkplate | Sinus | Skoene - wat druk | Skottelgoedseep | Skottelgoedwas | Skroewe - geroes | Slakke | Sooibrand | Sooibrand – tamatie-en-uiemoes | Sop | Sousbottel | Soutpotjie | Speed Queen | Spek | Spuitmiddel  - veilig vir die Tuin | Stank - in yskas | Stofsuier | Suurmelk | Tamatie- en uiemoes | Tamatiesop | Tamatiesous | Teëls | Teer – op motors | Teerkolle | Teevlekke | Tennisskoene | Termiete | Toilet - gevlek | Tupperware | Uie - Gesmoorde | Urinereuke - honde en katte | Varings | Vensters - skoonmaak | Verf | Vernis | Vetkolle | Vinke - om vinke weg te hou van palms af | Vis | Vismotte en motbolle | Vleis - gebrand | Vlekke op matte | Vlekvryestaal | Vlermuise | Vlieë | Vlooie | Voorruit – vetterig | Vratjies | Vrugtekoek | Wag | Warmfles | Watte | Wintershande en voete | Wonde | Wyn - oorskiet | Yskasreuke

Aambeie

Die volgende wenke van Huibrecht ontvang nadat daar 'n navraag in ons hulpnavrae was. Ek staan nie in vir enige van die wenke nie [Danie]

•  Aambeie…

6 pakkies rhubarberpoeier
6 pakkies salpeter
1 pakkie epsomsout
2 bottels water.
Kook alles saam tot 1 bottel oorbly. Drink 1 dessertlepel vol.

• Aambeie…

As jy kwaai ly aan aambeie wat baie pyn en brand dan moet jy 1 lepel roumelk of roubies neem en 80 druppels harlemensies daarop drup en dit drink en so bietjie gaan lê. As jy daarby hardlywig is dan moet jy saans as jy gaan slaap 1 dessertlepel bitter cascara drink. Indien nodig drink die volgende dag 7 druppels daarvan voor elke ete.

•  Aambeie…

Eet baie rosyntjies - dit is goed vir iemand wat aan aambeie ly.

• Aambeie…

Vars botter en di geel van di yer deurmakaar gebraai in 'n pan en deur 'n doek gedruk, om mé te smeer.

• Aambeie…

Kattekruie op brandewyn getrek en saans 'n sopi drink is hylsaam goed fer inwendige ambei, feral as dit di maag kwel, haarlemmeroli is ook goed fer di lewer.

• Aambeie…

Maak 'n salf van 'n koekie blousel en 'n botteltjie vaseline en smeer aan.

• Aambeie…

Maal 'n stukkie harpuis… die soort wat hulle gebruik om viool mee te speel en alyn saam. Sodra dit fyn is en goed gemeng is dan sit jy so 'n mespunt vol op jou tong en sluk weg met water. Doen dit 2 keer per week en die aambeie sal verdwyn.

• Aambeie…

Meng 1 blikkie stroop
1 teelepel blomswawel en
1 pakkie kremetart baie goed saam.
Meng baie goed en eet 3 maal per dag 1 eetlepelvol.

• Aambeie…

Meng:
2 eetlepels rabarber
2 eetlepels suiker
2 eetlepel engelse sout
1 botteltjie groenamara en voeg by
1 bottel brandewyn.
Drink 3 maal per dag 1 eetlepelvol.

• Aambeie…

Meng deurmekaar:
1 blikkie versoete kondensemelk
1 botteltjie harlemensies en
1 botteltjie balsemsulfuris.

Maak seker dat dit baie goed gemeng is. Gebruik 1 teelepelvol op jou nugtermaag en dan weer 1 teelepelvol saans voor bedtyd.

• Aambeie…

Nadat jy gebad of gestort het, droog heel eerste jou hande goed af sodat dit so droog moontlik is. Droog daarna die res van jou lyf af. Die aambeie verdwyn vinnig en nadat dit verdwyn het moet jy hierdie ritueel aanhou doen - veral as jy nogal baie sukkel met aambeie.

Probeer om dit 'n gewoonte te maak om jouself so af te droog. As hierdie ritueel gelowig gevolg word sal jy nooit weer probleme met aambeie hê nie.

• Aambeie…

Neem:
1 bottel klapperolie, nie te groot nie
2 Vitalis poeiers en
2 Solaris poeiers
Meng baie goed, maak die klapperolie effens warm sodat dit makliker meng. Drink elke aand 1 teelepelvol.

• Aambeie…

Neem:
1 bottel suiwer gliserien en
1 bottel olyfolie
Meng baie goed en drink elke aand 1 dessertlepelvol.

• Aambeie…

Neem groenamara blare en sit in glas of erdekastrol en gooi 1 bottel kookwater daaroor. Laat goed trek tot donkergroen en suig dan deur en gooi die water in 'n bottel en voeg 1 klein botteltjie lewensessens by en skud die bottel goed om te meng. Drink elke more op jou nugtermaag 'n goeie mondvol.  Dit is 'n lakseermiddel maar as dit te kwaai werk moet jy net die dosis verklein.

• Aambeie…

Neem so 1 of 2 maal per dag 'n mespunt salpeter in 1 eetlepel melk.

• Aambeie…

Sit 10 druppels swawelbalsem in melk en drink 3 keer per dag - dit werk gou en dan is die aambeie iets van die verlede.

• Aambeie…

Sit kattekruid in brandewyn en laat goed trek. Drink elke aand 'n kelkievol.

• Aambeie…

Soggens as jy was maak seker dat jy eers jou hande en dan jou gesig afdroog.

• Aambeie…

Trek 1 eetlepel koljander in kookwater en drink soos tee 3 maal per dag na etes 'n kelkievol.

• Aambeie…

Trek rabarberbas in kookwater en dan kan jy 2 of 3 maal per dag daarvan drink.

• Aambeie…

Trek tiemie soos tee en drink soggens en saans 'n wynkelkievol. Maak seker dat jy baie groente eet en gaan stap elke dag vir so 'n half-uur.

• Aambeie…

Vat 4 pakkies engelse sout
1 pakkie kremetart
1 botteltjie rooi poeier en
2 eetlepels suiker
Meng goed deurmekaar. Sit 'n houer met skroefdeksel and maak dig toe. Sit elke oggend op jou nugtermaag 'n mespuntvol op jou tong en sluk weg met water.

• Aambeie…

Vir aambeie moet mens diep in die brandewynbottel, waarby 'n knertsie kattekruid gevoeg is, kyk - of jy kan 'n bietjie aansmeer as jy wil.

• Aambeie…

Voeg 5 druppels skoonteer op 1 eetlepel melk en drink dit elke aand met slapenstyd.

Jy sal dit dalk nie glo nie, maar my broer het vleis aambeie gehad.   Hy kon soms nie sit nie.  Ouma het 'n windbuks patroontjie in 'n knoffelhuisie gedruk en hy het dit afgesluk met water.   Na 2 weke se behandeling was en is die aambeie weg.  Ek weet nie of dit vir bloeiende aambeie sal help nie. 

• Aambeie…

Kry kamfer-blokkie by die apteek (baie goedkoop - so 50c vir 4 blokkies).  Krummel dit in bietjie Vaseline (hoe meer jy ingooi , hoe sterker is dit natuurlik).  Smeer aan en na paar dae is alles weg - kamfer krimp dit.  Hy meng bietjie in 'n film-negatief botteltjie

• Aambeie…

Wat werk is:
Jy sluk elke dag 'n heel huisie knoffel - maak hom skoon en sluk hom net so. Dit is 'n ou boereraat maar dit werk!

Dan kry jy by die apteek "SPA" pilletjies (sulke groenetjies) wat die reuk (stink) wegvat.  Dit vat in elk geval enige reuk weg - as mens oordadig sweet help dit sommer vir dit ook.  Party mense sukkel met winde - dit help sommer vir dit ook - maak it reukloos (sommer so by the way)

• Aambeie…

My ma het die raat jare terug vir een van my kollegas gegee en hy het getuig - DIT WERK!

My ma het erge uitwendig en inwendige aambeie gehad en die dokter wou opereer, toe kry sy die raad by 'n Ou Tannie en weg is die aambeie!  Neem 'n stukkie van 'n vars knoffel-huisie, doop dit in 'n bietjie vaseline en druk dit in die anus in.  Knyp dit vir so 'n paar minute vas en verwyder.

Dit klink erg, maar dit WERK!

• Aambeie…

My ma het ook las van aambeie gehad, en die volgende produk met groot welslae gebruik.  Jy koop dit by die apteek, dit is van die Natura maak (homeopatiese druppels), die goed se naam is Haemarrho no 2, jy drup 10 druppels 2 - 3 keer per dag op jou tong, en kry vinnige verligitng.

• Aambeie…

Gehoor as jy gewone zambuk salf aansit,verdwyn binne dae en nooit weer terug zambuk salf kos R4.00 'n groot blikkie

• Aambeie…

My man het n kroniese probleem met ambeie. Operasies help nie en hy het uitwendig en inwendig aambeie.  Probeer om nie hardlywig te raak nie - drink elke oggend (voor koffie) n glas skoon water.

Meng 1 X blikkie kondensmelk met 1 botteltjie Turlington en drink 1 eetlepel op nugter maag - dis vir inwendig. Vat watte met skoon turlington en hou dit vir 1 minuut op uitwendige aambei - dit brand, maar jy sien letterlik hoe trek dit terug.  Ek praat uit baie ondervinding

• Aambeie…

Ek het dieselfde probleem gehad, en het net "Preperation H" gebruik.  Dit werk baie goed. Die ander moderne goed op die mark werk nie, glo my, want ek het dit als al probeer.  Ek het ambeie gekry as gevolg van 'n spastiese dikderm.  Nou het ek ook 'n natuurlike tablet gekry (my dogtertjie noem dit sandpilletjies), Aloe Vera se Fibre Bitters -  wat ek elke oggend twee drink.  Dit maak net my derm bietjie sagter (nee dis nie 'n lakseer middel nie), en my maag gaan so een keer 'n dag.  Nou sukkel ek gladnie meer met ambeie nie.

• Aambeie…

Hierdie is ´n raat wat ek ´n paar jare oor die Radio gehoor het.  Dit was oor tuinbou ABC aangebied deur Johann Wentzel in Namibia.  Die raat was om elke oggend ´n stukkie (dis nou 'n plant) "Skoon Moeder se tong" af te breuk en te kou dis nie gevaarlik en is effektief.

• Aambeie…

Koop 2 potjies Zambuk salf. Merk hulle net, asseblief!
Die een potjie gebruik jy om die salf direk aan die aambeie te smeer.
Die ander een eet jy, so 'n mespuntjie soggens en saans.

• Aambeie…

Gooi half pakkie naeltjies in bottle water wat net begin kook laat staan om te trek drink kelkie wanneer nodig.

• Aambeie…

Smeer 'n kleinbietjie wit Colgate tandepasta aan, dit brand in die begin 'n klein bietjie, en toe het sy bietjie vaseline bygesit.  Dit is na 3 dae heel weg.  dit moet die plain wit tandepasta wees, nie met die blou en rooi strepe by nie

• Aambeie…

1 Blokkie Blousel (wat die ou mense vir wasgoed gebruik het)
1 2lt. bottle
Los die blousel in twee liters water op.
Drink eerste ding in oggend 'n halwe glasie
Drink laaste ding in die aand 'n halwe glasie
Drink tot bottle leeg is. Aambeie verdwyn vir 'n jaar na agtien maande.
Dit help ook vir 'n maagsweer.

Jy kan kamferblokkies gemeng met Vaseline en liquid paraffien gebruik vir die aambeie. Dit werk wonderlik.

Aanbrandsels

Aartappels

• Kapokaartappels is lig en sag as ‘n knippie bakpoeier bygevoeg word.

• ‘n Gerasperde ui gee ‘n besonderse smaak aan kapokaartappels.

• ‘n Bietjie melkpoeier maak die aartappels ook mooi donsig.

• Voeg ‘n bietjie gerasperde suurlemoenskil by aartappelslaai vir ‘n pikante smaak. Giet slaaisous  oor terwyl die aartappels nog lou is en dit trek in die aartappels in. 

~ Terug na begin ~

Arthritis

3 eetlepels celery zaden per 1 liter water. Zachtjes koken (simmer) gedurende 25 minuten. Druk zaadjes heel goed door een stukje stof (material zoals cheesecloth). Voeg daar aan toe: 1 eetlepel epsom salts als het gekoeld is.

Gebruik 1 eetlepel 3 x per dag gedurende 3 maanden.   Daarna 1 eetlepel iedere dag.

En nog een remedie:

1 teaspoon of apple cider vinegar plus 1 theelepel honing in een glas HOT water iedere morgen.  Dit laatste recept stond op een Naturopaat's pagina in een tijdschrift. Het schijnt zelfs te helpen voor gout.

Asma / Benoude Bors

Ek weet nie eintlik of dit 'n "boereraat" is nie, maar ek kan uit ondervinding praat en dit mag dalk baie ander mense help in 'n noodsituasie. As iemand 'n toe of benoude bors het (bv iemand wat aan asma ly) en jy het nie een of ander asmapompie byderhand nie, verrig 'n koppie baie sterk swart koffie feitlik onmiddellik wondere. As ek bedoel sterk, bedoel ek so 3 opgehoopte teelepels koffiepoeier. Jy kan wel suiker ingooi as jy wil. Die kaffein in die koffie maak jou lugweë feitlik onmiddellik oop. 

~ Terug na begin ~

Balpuntpen Ink

Om ink van 'n balpuntpen uit klere te haal:  Drup Lennons Witdulsies op die merk en was soos gewoonlik

Bloeddruk

Trek 'n takkie wynruit in kookwater vir 5 minute en drink die tee vir hoë bloeddruk. Moet egter nie gebruik as jy dalk allergies is vir die plant nie, en ook nie te gereeld nie. Dit bring die bloeddruk baie vinng af.

Indien jy wel die raat nodig het, probeer dan liewers om die tee te maak met roosmaryn blare. Dit stabiliseer die bloeddruk, (hoog of laag).

Blomkool

Gooi 'n bietjie suurlemoensap by die water waarin blomkool gekook word om die kool mooi wat te hou.

~ Terug na begin ~

Borskanker

'n Vriendin van my Skoonma het borskanker gehad en ook maar die normale ding gedoen en vir behandeling gegaan en dit het net weer teruggekom. Sy het toe ernstig begin bid en vir die Here gevra om haar gesond te maak. Een nag  het sy 'n helder droom ontvang vir 'n drankie wat sy moet maak en drink bestaande uit  een suurlemoen wat jy met pit en al in 'n voedselverwerker gooi saam met een eetlepel olyfolie, drink die helfte daarvan saam met louwarm water en die res later in die dag. Die tannie se kanker was binne 14 dae se gebruik uit haar gestel uit en is sy gesond. Dit blyk dat die alkaliese suur in die suurlemoen giftige selle uit jou sisteem verwyder en die olyfolie ook 'n genesing bied. Ek beaam dat ek nie weet of dit vir almal werk nie, maar kan 'n mens te minste net probeer. Jy sal geen nuwe-effekte hê nie (dalk net 'n skoner sisteem).  Weet nie hoekom ek dit plaas nie, dalk was dit 'n rede vir iemand wat dalk hulp nou nodig het. (Heino)

Braaibrood

Braaibrood op die rooster is geneig om op te krul en die vulsel val dan uit. Bind net oorkruis vas met 'n stukkie gare en die brood sal sy vulsel hou. Die gare sal nie brand nie.

Braaipan

Sprinkel ‘n bietjie sout in die pan om gespat te voorkom.  Plaas ‘n vergiettes onderstebo oor die pan sodat stoom kan ontsnap maar vet nie uitspat.

Bysteek

Vir bysteek maak 'n koeksodapasta en plaas dit op dit steekplek. Dit trek die gif uit.

~ Terug na begin ~

Dakke

Verf 'n geriffelde dak met 'n besem te ... dit werk baie vinnig en is baie goedkoop ... kan sommer besem na die tyd weggooi ... en dit help dat jou rug nie moeg word nie!!

Deep Fat Fryer - Skoonmaak

Ek het die naweek my Ek het die naweek my "deep fat fryer" skoongemaak. Jy weet die olie kan nogal taai raak in die ding. Uit radeloosheid het ek 'n spuitkannetjie Bio-Tex (vir wasgoed) nader getrek en begin gebruik. Veral op die metaal filters wat jy moet skrop en skuur en nie die olie binne uitkry nie. Dit werk fantasties. Sommer gou was die hele spul skoon en weer reg vir die volgende keer.

Dieet

Eet 1 cream cracker (of soorgelyk) elke uur vandat jy opstaan totdat jy gaan slaap. Eet verder soos gewoonlik (as jy kan! jy gaan nooit honger wees nie!). oefen as jy wil. verloor 2+ kg per week lag lag (die moeilikste deel van die goedkoop dieet is om te onthou om jou cream cracker/provita te eet!).

~ Terug na begin ~

Elektrisiteit

Maak elke Saterdag jou stofsuier se sak skoon - dit bespaar elektrisiteit.

Foto-vergroting

Canon of enige soorgelyke color copies op papier. Grootte tot op A3.

~ Terug na begin ~

Galstene

• Die raat los galstene heeltemal op en reinig jou lewer en galblaas heeltemal van enige opgehoopte gal.  Maar jy moet gedetermineerd wees, anders gaan jy dit nie kan doen nie. Die raat is as volg: 400 ml olyfolie Lecol suurlemoensap OF appelsap 1 desertlepel Engelse sout halwe glas warm water Verdeel die olie in 4 - 5 klein glasies.  Drink elke 20 min gevolg deur sap (Neem 'n slukkie sap en spoel die sap so in jou mond om van die vetterige smaak in jou mond ontslae te raak).   Herhaal totdat al die olie klaar is.  Wag 2 ure en drink dan die Engelse sout opgelos in warm water.  En moet liefs nie iets eet voordat jy begin tot na die behandeling nie. Ek belowe jou ek het dit al twee maal gedoen (die eerste keer was die Engelse sout verslaan) en my man het dit die afgelope naweek gedoen.  DIT WERK!  'n Mens voel skoon 'n ander mens daarna.
• Ja -  Haal dit uit !!! En vinnig ook. !! Kom sien Dr Hein van der Walt van Unitas Hospitaal Pretoria en haal die goed uit.  Hy maak 5 sulke klein gaatjies en jy is slegs 1 nag in die hospitaal.
• Moet net nooit jou galblaas laat verwyder nie want jy is nooit weer daarna dieselfde nie - ek praat uit ondervinding.  Daar is 'n homeopaat in Houghton Johannesburg wat my vriendin gesond gekry het nadat mediese dokters verklaar het dat daar geen ander manier is as om te opereer en die galblaas te verwyder nie.  Dieselfde homeopaat het my baie gehelp toe ek 'n paar keer agtermekaar nierstene ontwikkel het.  Miskien kan jy die medisyne vir galstene by hom bestel en laat pos as jy te ver bly ? Dr Potgieter+27 011 728 7009
• Vitamien C verhoed blykbaar dat nog stene vorm eet gerus baie lemoene. Vitamine E help om vryradikale te verslind. Vesel kan cholestervlakke verlaag wat help dat vette gou opgelos word en nie nog stene vorm nie eet baie beet dit reinig die bloed drink gemengde wortel appel sap. Daar is so baie extra dinge wat goed is pomelo sap knoffel natuurlik baie water
• Hier is raat vir galstene.  Ek moes heel moontlik 'n galblaasoperasie kry, maar het nie kans gesien daarvoor nie.  Ek kry toe Dr NF Killian, 'n homeopaat,  van Rustenburg se telefoonnommer en het geskakel vir medikasie.  Sy tel no is 014 592 6251.  Ek het sommer vir die ontvangsdame gevra vir die medikasie vir galstene.  Dit kos omtrent R200.00 vir die botteltjie.  Dit is olie wat jy vanaf vyfuur die aand elke halfuur moet drink saam met vrugtesap totdat die botteltjie leeg is.  Vanaf omtrent vieruur daardie volgende oggend af moet jy weet gaan jy bietjie "besig" wees.  Ek glo omtrent al die galstene van my het uitgekom, want ek voel 'n ander mens.

Glansvrugte

Doop die skêr eers in meel en glansvrugte sal baie makliker in stukke gesny kan word.

~ Terug na begin ~

Goggas

Vir enige ongewenste goggas in die koskaste, beddens of waar ookal, spuit met FENDONA, te kry by die gifafdeling in supermarkte.  Hierdie spuitstof is besonder mens- en dier-vriendelik - die kaste kan gespuit word en die kastrolle kan dadelik teruggepak word.  'n Matras kan vir goggas gespuit word, (indien effe nat, net laat droog word) dadelik oorgetrek word en die kinders kan dadelik daarop slaap.

Gom

Ek het raad om ou taai gom van teëls af te haal. Ek het alles probeer, parrafien, thinners, terpentyn, spiritis, "acetone", niks wou werk nie. Behalwe goeie ou Domestos. Die jel soort en 'n pottedraad. Met 'n bietjies geskuur kom die ou gom eindelik af.

Grondboontjiebotter

• Skeer: As jy per ongeluk jou skeerroom vergeet het op 'n wegbreeknaweek, kan grondboontjiebotter gebruik word. (liefs nie die 'crunchie' een nie)
• Verwyder kougom van hare: Vryf 'n teelepel grondboontjiebotter in die kougom en dit sal loskom.
• Verwyder gom (superglue ens) vanaf meubels: Vryf met grondboontjiebotter oor die gom en dit sal loskom.
• Vang muise of rotte: Muise verkies grondboontjiebotter bo kaas.

~ Terug na begin ~

Hakskene

Gebars

• Week jou voete vir 'n hele rukkie in warm water met 'n handvol growwe sout in. Doen dit net voor jy gaan slaap. Droog liggies af met 'n handdoek. Smeer 'n dik laag vaseline oor jou voete. Trek 'n plastieksakkie bo-oor. Trek 'n paar sokkies bo-oor die sakkies. Klim in die bed en slaap. Jy sal die volgende oggend die resultate sien.
• Wend olyf - of kookolie aan skurwe hakskene die aand voor jy hulle skuur.
• Meng gelyke dele Glyserine (50 ml) en Scrubbs Amoniak (50 ml) in 'n botteltjie en skud goed. Smeer elke aand aan nadat voete gewas en geskuur is.  Binne 'n week is jou hakskene heerlik glad. Oppas net om die die walm in te asem nie.

Hakskene en hande

Gebarste ledemate: Hier volg uitstekende raad vir wintershande, voete, gebarste hakskene, en selfs vir ekseem:

Meng die volgende goed saam en smeer mildelik aan die aangetaste dele:

2 x 500 gram potjies Aqeuousroom
50 ml Gliserien
1 klein potjie wit Vaseline (reukloos)
100 g Johnson's babapoeier

~ Terug na begin ~

Handdoeke

Handdoeke wat hard uit die was kom - veral in brak water. Was jou handdoeke in warm water met seep en gooi ongeveer 'n handvol sout by (Los die sout op in die water). Moet nie versagter gebruik nie. Spoel die seep goed uit. Spoel weer maar gooi so 2-3 eetlepels ammoniak of wit asyn in die laaste uitspoelwater.

Handskoene

Om handskoene skoon te hou: Voor nuwe handskoene gebruik word, smeer die binneste goed met kryt. Dit sal help dat die handskoene nie vuil word van die sweet nie.

Hare

• Borsels: Gebruik 'n plastiekvurk om hare uit jou haarborsel te verwyder.
• Ligstrepe: Skep natuurlike ligstrepe in blonde hare: vul 'n sproeibottel met twee derde koppie wodka en een derde koppie suurlemoensap. Sproei aan klam hare, gaan uit en spoel eers die aand af.
• Hare - wat uitval

• My skoonpa kry gereeld chemoterapie en by die groep mense het my skoonma goeie raad gekry vir hare wat uitval, sommige van die kankerlyers het alreeds baie baat daarby gevind.  Meng 'n botteltjie Bergamotessens van Lennons met jou bottel sjampoo, skud dit goed en was jou hare elke dag daarmee, dié middel laat glo hare groei en sterker word en baie kankerlyers gebruik nie meer hulle pruike nie.  Dit neem seker tyd maar vir baie mense het dit vinnig gehelp.  Ek hoop dit sal andere ook kan help.
• Die wenk kom van my haarkapster af wie se een kliënt kanker gehad het en al haar hare tydens bestraling verloor het.  'n Rukkie later kom die dame met 'n hele bos hare terug om gesny te word, en natuurlik moes die haarkapster uitvind hoe sy dit gedoen het.
  Meng 1 x 100 ml Bayrum (2 x glasbuisies = R7.50) met 1 x Placenta (+- R3.50 elk) in 'n spuitbottel.
  Spuit aan na elke was en los dit aan.
•  Sommige van kankerlyers het alreeds baie baat by hierdie raat gevind.  Meng 'n botteltjie Bergamotessens van Lennons met jou bottel sjampoo, skud dit goed en was jou hare elke dag daarmee, dié middel laat glo hare groei en sterker word en baie kankerlyers gebruik nie meer hulle pruike nie.  Dit neem seker tyd maar vir baie mense het dit vinnig gehelp.  Ek hoop dit sal andere ook kan help.

~ Terug na begin ~

Hoesgoed

Wanneer jy weer hoesstroop benodig, gaan vra by die apteek vir DPH (diphenhidramine). Dit is 'n generiese komponent van duur hoesstroop en werk uitstekend, maar is spotgoedkoop.

Honde

As daar honde is wat gedurende die dag hulle besigheid kom doen op jou grasperk, strooi BABAPOEIER op die gras en hulle sal nooit weer dit doen nie. Werk ook as jy gaan kamp. Strooi die poeier om jou tent en hou dan so die honde en ander diere weg van jou tent.  Hulle kan nie die reuk verdra nie. Nies en proes verskriklik.

~ Terug na begin ~

Huweliksherdenkinglys

No     Traditioneel              Modern
1       Papier of Plastiek        Horlosie
2       Katoen                          Porselein
3       Leer                              Kristal of glas
4       Vrugte of Blomme       Elektriese Toerusting
5       Hout                              Silwerware
6       Yster                             Yster
7       Koper of Wol               Skryfbehoeftes
8       Brons                            Brons of Erdeware
9       Erdeware                     Kant / Satyn
10     Alluminium                   Leer
11     Staal                            Juweliersware
12     Satyn                           Pêrels
13      Kant                            Materiale
14      Ivoor                           Goue Juweliersware
15      Kristal                        Armhorlosie
20      Porselein                  Platinum
25      Silwer                        Silwer
30      Pêrels                       Diamante
35      Koraal                       Jade
40      Robyn                        Robyn
45      Saffier                       Saffier
50      Goud                         Goud
55      Smarag                     Smarag
60      Diamant                    Diamante

~ Terug na begin ~

Idees vir Kombuistee

'n Kombuistee word gehou vir 'n bruid wat nog geen "instrumente" in die kombuis het nie. 'n Pantry Party word gehou as dit kos/skoonmaakmiddels is wat gekoop word en 'n Pamper Party is as daar slegs vir die bruid lekkerruik goedjies/badgoed / destressing & relaxing goedjies gekoop word. 

As al die gaste daar is, en terwyl ons vir die bruid wag, gaan ek 'n rolletjie toilet papier omstuur, en vir elkeen se om 'n stukkie papier af te skeur (net so lank as wat hulle wil). Hulle moet dan tel hoeveel blokkies papier hulle in hulle string afgeskeur het. Se nou maar jy het 5 blokkies in jou string, dan moet jy vir almal 5 dinge van jouself vertel (bv. hoe ken jy die bruid / bruidegom, is jy self getroud, wat is die geheim van 'n goeie huwelik ens.), dit is net om die ys so 'n bietjie te breek.

As die bruid arriveer, gooi almal haar met streamers...

Ek het vir haar 'n "SPOIL BASKET" wat ek vir haar sal gee as sy klaar al haar geskenkies oop gemaak het . Daarin sit ek dinge soos lekker ruik sepies, sjampoo, handeroom, skeer room, sjampanje, mooi handdoeke, fancy onderklere, sjokolade, lekker botteltjies konfyt, cappacino sakkies, ag sommer net goedjies om die tweetjies te bederf.

Ek het vir die gaste gevra om elkeen vir my so 2 of 3 gunsteling/maklike resepte te stuur wat ek dan in boekievorm gaan bind vir die bruid. Ek het so bietjie ander inligting ook wat ek sommer in die boekie gaan sit, bv Wedding Traditions (dit is 'n lys van "wat waar vandaan kom"). Ook die lys van huwelikherdenkings - watter geskenk die bruid kry op watter jaar. En sommer ook 'n paar wenke.

Op die dag v/d kombuistee gaan ek (terwyl ons vir die bruid wag) vir die gaste vra om elkeen 'n sin of 2 neer te skryf van wat hul resep/raad vir 'n suksesvolle huwelik is. Dit kan ernstig of komies wees. Die bruid moet dan later raai wie het watter raad gegee.

Ook ietsie om die gaste (wat gewoonlik nie almal mekaar ken nie) se litte bietjie los te maak, gaan ons 'n speletjie speel. Ek het al 'n paar geskenkies gekoop, bv kombuiswaslappies/ pakkies tamatiepaste/ pakkies slaaisous wat aangemaak word ens. Sommer goedkoop geskenkies. Ek bind 'n  pakkie slaaisous by 'n waslappie vir 'n geskenkie. Hierdie geskenkies kan dan deur die gaste gewen word.

Voor die bruid arriveer of sommer so tussen-in die party. Ek gaan sommer bv. se die een wat eerste 'n selfoon/ lipstiffie/ sleutels/ Id boek/ motorlisensie/ naelvyl of wat ook al uit haar handsak kan haal, wen 'n prys. Of die een wat eerste kaalvoet staan of die een wat eerste kekkel!

Jeuk

Kry verligting van muskiet- en ander insekbyte deur seep aan te smeer.  Dit help gou-gou.

~ Terug na begin ~

Kakkerlakke

• Probeer die volgende vir kakkerlakke: Strooi Engelse sout, salietakkies of laventelolie op rakke om kakkerlakke weg te hou.
• Meng versiersuiker en gips so 50/50. Plaas in houers op die vloer en as alles volgens plan verloop, dan is jy ontslae van die ou oulike gediertetjies.
• Jy kry sulke boksies op die vlooi mark as hulle daarin loop sit hulle vas dan kan hulle nie weer uit kom nie.  Hulle vrek na 'n tyd.  Dit kos so R20-00 en dit werk.
• Gebruik Baygon Green om hulle aanvanklik bietjie dood te maak.  Vir die lang termyn: Meng in gelyke hoeveelhede gipspoeier en versiersuiker.  Die sit jy sommer in klein proppies of bakkies orals in jou kaste, by die wasmasjien ens - alle verskuilde gaaitjies neer en los dit daar. Hulle kom eet daaraan en dan versteen hulle magies. Gou-gou sal jy nie meer gepla wees nie.
• Meng mieliemeel en gips en sit  water langsaan.
• Kry  by clicks of P&P Dyroach houertjies (nie seker wat noem hulle dit nie) - omtrent R18.00. Dit is 'n vierkantige plastiese houertjie. Jy sit dit in jou kaste of laaie. Jy sal sien hoe val hulle uit die kaste. Soos een houertjie hou omtrent 3 maande. Dit is goedkoop en dit  werk.
• Kry by die saadhandelaar Carba sproei. Dit word met water aangemaak en is nogal duur maar glo my dit werk wonderlik
• 'n Mens sal nooit werklik van die verpestings ontslae raak nie.  Die groot ding is om die eiertjies te verwyder as jy hulle sien. 'n Wenk wat ek al probeer het en werk is:  Mens Boraks en versiersuiker en sit dit se maar in doppies of proppies op strategiese plekke - veral onder die wasbak of kas onder die wasbak - hulle hou van die klammigheid.  As hulle op die boraks loop, klou dit aan hulle pote vas en lek hulle agter die soetigheid aan, en blykbaar maak die boraks hulle dood.
• Chlorpirifos is by hardeware- en afdelings winkels beskikbaar.   Dit word verdun en aan lyste gesmeer met 'n kwas of aangespuit.  Dit is 'n veeldoelige middel - kan ook vir plae in die tuin aangewend word.  Doen dit maar so elke 3 maande of so.  Ook Chlorphyriphos sterk aangemaak in 'n spuitkan en oral langs die lyste in die huis afgespuit agter beddens en kaste en sommer die binnekant van die kaste - ook uitgevee daarmee, veral onder die wasbak of waar ander klam plekke was.  Sommer ook buite om die dreine ens, gespuit.  Dit help selfs om die swartmiere uit die huis te hou, en ook sommer vlooi-eiers wat die honde inbring. Vir die goed wat invlieg is daar nie raad nie, tensy jy gaas voor jou vensters het, maar hulle is groot en lelik genoeg dat jy hom sommer met 'n skoen kan bydam!
• Hulle eet stof, so skaf 'n stofsuier aan en gebruik dit gereeld om die stof agter kaste, onder beddens, binne in kaste en al daardie ander donker hoekies uit te suig.  Spuit Chlopirifos (gif) binne en buite die huis en jy sien die gedoentes nie weer nie.  Gooi gereeld onverdunde jik in al die wateruitlate, dreine ens. en sit die prop in en laat oornag staan.  Die ander goed soos die kakkerlak huisies en al die ander geldmaak foefies werk nie.
• Gooi oral Boraks wat met 'n klein bietjie suiker gemeng is.
• Spuit Dyroach oral teen vloerlyste, agter en onder meubels en in gleufies.  Pak jou kombuiskaste uit en spuit teen die onderkante van die rakke. Los so vir 'n uur of twee. Vee die bokante van die rakke met 'n klam lap af en pak die goed weer terug. Moenie die onderkante van die rakke afvee nie.  Doen dit vir 'n begin ten minste een maal 'n maand.
• Iets wat ek self nog nie probeer het nie, is om piesangskille in jou kaste te sit. Vervang wanneer droog. Die goedjies hou blykbaar glad nie van die reuk nie.
• Ek het gehoor as jy Kakiebos oral sit werk dit.   Plant een veral by jou dreine.
• 'n Ou raad wat werk vir kakkerlakke - sit naeltjies in al jou kombuiskaste/waar hulle ookal voorkom. Dit werk!
• Wat ek regtig gevind het wat werk om kokkerotte te bestry is borasic poeier!  Dit is glad nie giftig nie en dus doen dit geen skade aan jou huismense of diere nie. Die nadeel van insek doders is regtig dat as mens die "ouers" laat vrek het daarvan en hulle le sterwend, broei hulle "eiers" daardie kokkerotjies uit met 'n immuniteit teen die produk en moet jy weer iets anders probeer.  Ek het met my eie oe gesien hoe die goete in die  Doom Extra rondgly - so baie het ek gespuit en hulle het net weggeskarrel!
• Gaan fumigate of spuit jou bottel leeg en verwyder die kokkerotte wat jy kan.  Maak skoon buite en oral in die kaste en areas waar hulle neig om voor te kom, bo-op jou geyser, ens Wat 'n mens ook kan doen is om die poeier oral oor die oppervlak van jou kaste en laaie  te gooi, papier bo oor le.en dan alles terugpak in die kaste. Al nadeel van die poeier is, is dat dit neig om te lyk soos sout wat rond gemors is.
• Die poeier droog die kokkerot heeltemal uit. Al wat jy daar kry is 'n biltong kokkerot, so klein plat en verskrompel. Hierdie werk  waaragtig! Die apteke verkoop nie meer die groot pakke borasic(boor) poeier nie.  Mens kry dit nie meer  volop nie. Ons het dit ook by mediese verspreiders gesien. Selfs as jy 'n brandwond opdoen en jy gooi borasic poeier daaroor, dan trek dit die vog wat die blaas vorm dadelik uit.  Dit is die selfde uitwerking wat dit op die kokkerot het.  Die vog word uit hulle uit getrek.

Katte

Hou ongewenste katte uit die tuin deur peper te sprinkel op die plekke waar jy hulle spore vind.

Kerrie

As kerrie te sterk gemaak is, voeg 'n bietjie suurlemoensap by.

Klavierlesse

Die CNA verkoop tydskrifte The Pianist wat 'n CD met bladmusiek insluit. Van beginners tot gevorderd.

~ Terug na begin ~

Klere - gevlek

Hoe om die geel kleur uit klere wat lank gelê het te kry?

• Probeer Viva seep (by Diskom of enige supermark) DM
• Kry vir jou 'n koekie Sunlight seep. Maak die klere nat en smeer hulle behoorlik met sunlight seep. Jy moet smeer en smeer totdat die wit skuimbolle verskyn. Laat le dit so nat vir 2 of drie dae. (Moenie weer water bytap nie - die seep kan maar so droog word in die klere). Was dit dan normaalweg. Ek het 'n geel dooprokkie so wit gekry.
• Om enige merke en ook die geel vlekke uit te haal.  Baie goedkoop. Die "chemical" winkels wat skoonmaakmiddels sonder 'n naam verkoop.  Daar is 'n produk ons noem dit degreaser.  Dis geel en 'n redelike sterk reuk dit lyk neon geel/groen as jy dit uitgooi. Die produk word net aangespuit en dan gewas.  Dit is 'n wonderlike produk.
• Week dit in Sterri Nappi oornag. Dit was katoene, wolle, ens. en dit het niks skade aan die klere aangebring nie, maar die klere is so wit soos kan kom. Ek het ook by hierdie Bokkie Seepwinkels 'n Bleach gekoop wat enige iets wit maak en enige iets se kleur uithaal soos 'n bom. Ek weet nie of julle ook sulke winkels in die stad het nie.
• Bêre al jou wit goed in blou plastiese sakke. Weet nie hoekom nie, maar dit keer dat die klere nie geel word nie. (Boereraad wat werk).
• Blousel - dit kry in meeste supermarkte. Laat dit 'soak' - wees net versigtig want as dit nie mooi opgelos het nie maak dit bou kolletjies op jou klere. Bruidsboutiques gebruik dit vir die trourokke ook.

~ Terug na begin ~

Kondensmelk

Ek wil graag weet hoe lank mens gewone kondensmelk in die stoompot / drukkoker (weet dis gevaarlik) kook om die lekker karamelkondensmelk te kry wat jy op die stoof in 'n gewone kastrol vir 3 of 4 ure moet kook.

Ek het ondervinding van 'n kondensmelk blik wat ontplof het in die stoompot maar net omdat ek en die vrou vergeet het van die blik in die pot en die water opgeraak het  Ons kook gewoonlik tussen 35 tot 40 minute aan die blik om karamel te maak.

Dis nie so erg om die kondensmelk te kook nie. Ek doen dit baie en dit is baie gouer. Plaas jou blikkie in die stoompot en vul dit net bo oor die blikkie met water. Plaas op die stoof en laat die 2de ringetjie uitkom en verlaag jou hitte dat hy daar bly. Hou dit daar vir 30 min. Sit die plaat af en laat die stoompot self afkoel.

1 tot 2 blikkies in die stoompot vat so 20 na 30 MIN na die pot opgegaan het.

Ek sit twee blikkies op 'n slag in en dan kook ek dit vir 40 minute vandat hy begin stoom.  20 minute van hy op druk kom. Onthou asb om al die papier af te haal van die blikkie, anders kan dit die uitlaatgaatjie van die pot verstop en dan kan die drukkoker ontplof Andersinds is dit maar net soos enige iets anders in 'n drukkoker kook.

Ek dink 1 uur behoort voldoende te wees, want die drukking in toe stoompot is hoog en water kook vinniger, maar wees maar versigtig, die blikkie kan dalk ontplof en dan het jy 'n taai gemors, weereens asb, as jy nie seker is nie, doen eerder die verstandige ding en gaan koop die blikkie karamel kondensmelk, die opsie dink ek is die veiligste.

~ Terug na begin ~

Koorsblare

Een van die dames het eendag raad gevra vir die lastige ou koorsblare. Ek het haar toe vertel van die tannie wat my eendag in die winkel gekry het, en baie versigtig kom vra het wat ek daarvoor gebruik. Ek het regtig sleg gelyk, dit weet ek anders sou sy dit nie gedoen het nie. Dis nou regte egte boereraat. Niks anders as vanilla essens nie. Glo my, ek kry byna nooit meer koorsblare nie. Ek hou permanent 'n botteltjie in my kantoor. Sodra ek voel die plekkie begin jeuk dan smeer ek sommer aan. Ek gebruik 'n oorpluisie en wend so elke halfuur daarvan aan. Dit droog die koorsblaar op. Glo my, ek het al die duurste goed gebruik, maar hierdie is die beste.

• Gebruik 'n gewone vanilla essens en plaas dit met 'n oorstokkie op die koorsblaar. (Herhaal so elke halfuur indien nodig) Die vanilla essens droog die koorsblaar op.
• Ek gebruik vanilla essens - brand 'n bietjie, maar die volgende dag is daar geen teken van 'n koorsblaar.
• Jy moet net vanilla essence op die koorsblare sit. Dit werk!!!! As jy voel dit begin uitkom, plaas dan al van die vanilla essence op.
• Vroeer jare het mense wat baie mondsere en koorsblare gekry het gegaan vir 'n pokke inspuiting en dan het dit verdwyn. Jy kan dalk by die klinieke daaromtrent vra.
• Zink pilletjies (te koop by apteke) help ook. Dan het ek iewers gehoor mens moet "vanilla essens" aansmeer die oomblik dat jy hom voel kom.
• Ek het n vriendin wat ook baie koorsblare kry en al wat sy gebruik is vanilla essens. Dan hoor ek (weet nie of dit werk nie ) as jy n eier gebruik het is daar mos so velletjie binne in die dop, wel een vrou se man sweer dit is die beste.
• Smeer vanielje essens aan die koorsblare tot dit gesond is.
• Ek het die regte raad vir jou... en jy gaan dalk vir my lag, maar glo my die raad werk, ek het net so gesukkel met koorsblare en al die duurste salf op die mark gebruik, maar niks het vir my gewerk nie. Toe kry ek die raad by 'n ou Tannie en tot vandag toe. As ek net voel my mond begin gevoelig raak, dat daar 'n koorsblaar wil uitkom dan dokter ek hom. En raai met wat Koop vir jou as jy nie in die kombuis het nie. Botteltjie Vanilla Essens die waarmee jy koek bak en smeer net kort-kort op die koorsblaar.
• Poliodruppels is jou antwoord. Gaan na jou naaste kliniek en vra die suster om vir jou elke maand 'n druppel poliodruppel te gee. Dit werk soos 'n bom.
• Gaan na jou naaste kliniek en vra dat hulle vir jou poliodruppels in jou mond drup. Een druppel behoort genoeg te wees. As kind het ek gereeld ook koorsblare gekry, dan het ek sommer na die dokter se spreek kamer gegaan vir poliodruppels en dit het gehelp.

~ Terug na begin ~

Koper

Gooi 'n pakkie wynsteensuur en Sunlight-skottelgoedseep in 'n emmer met warm water. Week die koper daarin vir 'n paar uur. Haal uit en vryf droog. Die oplossing dring in al die hoekies en gleufies in en laat die koper pragtig nuut lyk!

Koperware kan pragtige blink gemaak word as dit nou en dan met sout en asyn afgevryf word.

Kosverwarmers

Hou kos vir 'n groot onthaal warm op asbesverwarmers.Verwyder die pote en plaas die verwarmers horisontaal op bakstene.

~ Terug na begin ~

Kougom

'n Wenk vir die verwydering van kougom uit jou kinders se klere - en natuurlik ook soms jou klere, is om die taai kol te smeer met grondboonbotter. Die olierigheid en so werk te mooi saam om die taaiheid uit te kry. So 'n klein bietjie vryf en alles is uit.

Kreukels

Verwyder kreukels uit 'n plastiese tafeldoek, deur 'n dik, klam handdoek daaroor te gooi en met 'n warm yster te stryk.

Kunsblomme

Om kunsblomme skoon te maak moet dit in 'n papiersak saam met sout gegooi en baie goed geskud word.  Die sout neem al die stof en vuiligheid op en die blomme lyk sommer gou weer vars.

~ Terug na begin ~

Leer ("Ladder")

Sit die pote van 'n leer in twee skoene met rubbersole, dit sal verhoed dat die leer gly.

Linnegoed

Om linnegoed wit te maak. Sny 'n dik skyf van 'n skoongemaakte suurlemoen. Sit dit saam met die linne in 'n pot as dit gekook word. Die suurlemoen neem al die vlekke uit die linne uit en maak dit mooi wit.

Lugverfrissers

Ek het hierdie wenk gekry en dit is nogal heel goed, veral as die lugverfrissers gedaan is.

Meng 'n eetlepel van jou gunsteling versagmiddel met water in 'n spuitbottel en siedaar! 'n uitstekende lugverfrisser.

~ Terug na begin ~

Maagsweer

Sluk 'n mespunt Samboksalf elke oggend vir tien dae lank. Die maagsweer sal dan gesond wees. Hierdie raat werk soos 'n bom. Die salf is slegs plantolies, en sal jou niks anders as gesond maak nie. Indien jy 'n probleem het met jou gewete, kan jy ou kapsules neem en leegmaak van die inhoud, en dan vul met die salf en dit so sluk. Dit laat geen slegte smaak na nie.

Matte en materiaal meubels - kolle

4 eetlepels brandspiritus
4 eetlepels wit asyn
4 eetlepels "Scrubb's Cloudy Ammonia" [by afdelingswinkels te koop}
1 liter warm water.

Spuit met sproeikannetjie op die kol en borsel deeglik.  Gestoffeerde meubels - spuit die kussings en borsel. Jy sal nie jou oë kan glo nie. 

Melk

Melk sal nie oorkook nie as 'n albaster in die melkkastrol geplaas word.

~ Terug na begin ~

Miere

Ek merk dat heelwat lesers kla oor swart miertjies in en om die huis. Ek het die volgende raat gekry en moet erken dat dit werklik werk

• Maak die volgende mengsel aan:

100ml water
200ml suiker
50ml Borax (kry by apteek)

Sit bietjies van die mengsel uit waar miertjies voorkom, sodat hulle dit kan nes toe dra. As mens sien hulle staan sulke kringe om die stroop, is dit 'n goeie teken dat hulle dit geniet.

Sorg dat stroop altyd beskikbaar is. Mens sien nie onmiddellik resultate nie, maar na 'n drie tot vier weke begin jy agterkom daar is nie meer miere nie. Hulle dra die stroop nes toe, voer die ander miere en koningin daarmee en die hele nes vrek uit.

Dit is 'n uiters omgewingsvriendelike lokmiddel, geen gevaar vir kinders nie, maar dodelik vir miere.

• Kamakazi krummels (moet nie met die hand strooi nie anders is dit nie effektief nie) Strooi ten minste een keer 'n week vir  ses weke aanmekaar.
• Termedine (dit is glo dieselfde as wat die mense van "Pest control" gebruik maar is baie duur - iets soos R800 vir 5 liter en daar is voorgestel dat jy met jou bure moet praat om dit saam te koop.  Dit word glo aangemaak 1 op 40)
• 411-kunsmis.  Dit is glo baie giftig en jy moet veral oppas vir jou honde of diere maar is glo verskriklik effektief.  Die persoon wat die raad gegee het sê dat hy sy grasperk in twee dae verloor het agv termiete en iemand het die raad vir hom gegee en tot nou toe het hy geen termiete gehad nie en hy sê dit is al 3 jaar later.  Dit klink of hy in elk geval in die begin van die somer sy gras daarmee gooi.
• Dan vir die klein miertjies in die huis het ek die volgende gekry:  Hierdie kryt wat jy by die vlooimark kry.  Ek weet dit werk maar dit is net 'n tydelike oplossing tensy jy dit gereeld gebruik.
• Iemand sê ook dat jy moet VIM strooi of babapoeier maar moenie dit afvee as jy skoonmaak nie.
• Maak "Die Ant" met water aan en spuit dit al teen die "scurtings" van jou huis.
• Gooi bietjie paraffien in 'n miernes.  Hulle sal gou verdwyn.
• Vir hierdie suikermiertjies wat so die kombuis kan oorneem. Strooi net rooipeper op strategiese plekke. Ek weet nie of dit hulle doodmaak nie, maar hulle sal in 'n dag of twee drie verdwyn.

~ Terug na begin ~

Minigeza

Wilna Strydom soek agente vir verkope en verspreiding van  MINIGEZA. Hierdie eg Suid-Afrkaanse produk verander die lewens van miljoene. Maak tot R90 wins per eenheid. Verkoop 3 per dag en maak R9000 in 'n maand! Sluit aan vir so min as R60. Jou eerste verkope dek al klaar jou uitgawe! Besoek webwerf by www.onsdorp.net  of  kontak geza@onsdorp.net. Sel nommer is 082 423 4086  Die winter is hier en ALMAL benodig warm water!  (2 - 9)

Molle

Glo dit of nie, hondebolle help!  Ja, die slagysters op die grasperk kan ook nuttig wees.  Gooi hulle oral in die gate/tonnels en die molle wyk na die bure toe!!!  Ons het al vir baie mense hierdie raat gegee en almal het van welslae getuig.  As jy nie honde het nie, wel een van die bure sal kan help.

Motbolle

Goeie ou raad: Onthou julle die motbolle in die seisoenklere se wegpakplek en die komberse. Vergeet daarvan, want die reuk kry jy buitendien nooit uit. Rasper Sunlight Wasgoedseep (die groen blokke) in die kas/sak waar jy dit bêre - niks meer stanke en hou alle ongediertes daar uit!

So gepraat van Motbolle: Gooi van die goed op jou huis se plafon en geen muis of rot sal dit naby die plafon waag nie. Ons verpes muise en rotte en muise en rotte verpes die reuk van Motbolle. Danie.

~ Terug na begin ~

Muf - in klere

• Neem verdunde water en vanielje en lê jou klere daarin.  Dit het regtig die muf reuk uit die baadjiie geneem.
• Neem 'n halwe botteltjie vanilla essence, gooi dit in 'n skottel met water en week die kledingstuk 'n ruk daarin. Hang dit dan in die buitelig om droog te word.
• Week dit in Jeyes Fluid.
• Week net jou kledingstuk oornag in asyn , dit behoort die reuk uit te kry

~ Terug na begin ~

Muskiete

• Kry 'n citronella kers of een van hierdie branders met citronella olie en brand dit.
• Gaan na enige apteek of winkel en gaan koop 'n bottel Lavender olie. Dit sal jou kalm en rustig maak en hou die muskiete weg. As ons buite braai dan sit ek sommer aan my bene net 'n druppel, of ek gooi sommer op die beddegoed bietjie olie of sit dit in 'n olie brander met bietjie growwe sout en gebruik dan die growwe sout om in te bad. Ek glo geen huis behoort sonder Lavender Oil te wees nie. Dit jaag sommer verkoue ook by die huis uit!!!
• Ek gebruik sommer 'n gewone olie lampie (kos +-R10 by Trade Centre) om lig te verskaf wanneer ons kamp. Maar, ipv van parafien of so, gebruik en die olie wat Sitronella olie in het - dit brand net so goed, het wel die bekende Sitronella olie reuk en my ondervinding is dat dit help vir die omgewing waarin 'n mens dan 'kuier'. Dit brand so lank aan een 'vulling', dat ek dit in ieder geval dag en nag aan die gang hou.
• Dan kry 'n mens ook klein Sitronella olie sepies (so half deurskynend) waarmee ons dan stort saans (of wanneer ook al) om die muskiete weg te hou wat dalk inglip - het gevind dit help ook wanneer 'n mens gaan stap in die bosse of langs 'n rivier.
• Ek het dit nie probeer nie, maar ek het op tuinpaleis gesien dat hulle sê jy moet pepperment grondbeddekkings en ook vleisvreterplante  plante. Dit help ook vir ander goggas sos vliee, vlooie ens.
• Ek sien in die hulpnavrae dat jy raat soek vir die ewige bloedsuiers (muskiete), nou ek doen die volgende binne en buitenshuis:
• Neem 'n groot ui, van dié wat skerp ruik, sny dit in skywe redelik dik en plaas dit oral rond waar die mense beweeg.
• Neem houertjies en gooi doodgewone asyn daarin, as dit kan hoe sterker die asyn hoe beter [maw die % asyn wat op die bottle staan] plaas dit nou oral rond, in die somermaande plaas ek 'n bakkie voor die waaier en dit vul die vertrek totaal.

Muurteëls

Muurteels wat die 'grout' lelik geword het.  Verf die 'grout' met gekose kleur Akriliese verf.  Jy mag maar die teel ook raak verf.  Laat staan vir 15-20 min en was die verf van die teëls af met warm water.  Nuwe muur- of vloerteëls kan so geverf word en dit sal vir jare mooi bly.

~ Terug na begin ~

Naellak verwyder

Uit 'n duvet cover
1.  Witdulsies
2.  Acetone (Naellakverwyderaar)

Naellak - wat taai geword het
Gooi 'n paar druppels Amiel Asetaat daarby en skud goed.  Dit beskadig nie jou naels nie.

~ Terug na begin ~

Naels

Het iemand raad om naels sterk te maak? Ek sukkel my lewe lank al met naels wat so dun is soos deesdae se eierdoppe.

• Vat 'n pakkie gelatien, meng elke oggend 'n teelepel vol met warm sap (enige LiquiFruit of so, want die goed is nie vreeslik lekker nie).  Ek het sommer 'n bietjie sap vir 30sek in Mikrogolf warm gemaak, dan die teelepel gelatien daarin opgelos en dit gedrink.  Is aan die begin sleg maar jy raak baie gou gewoond daaraan. Ek het dan hierdie hele pakkie opgedrink - neem 'n paar weke, en ek belowe jou, ek het vandag lang, sterk en gesonde naels.  Vreemde mense het my al gevra of ek kunsnaels het, want my naels ruk somtyds "handuit" en groei vreeslik vinnig.
• Ek het dieselfde probleem, maar net vir die afgelope 3 jaar.  Raat wat ek gekry het, is om elke dag gelatien te drink (tussen 1/4 - 1 t).  Dan was daar ook raat om naels elke aand vir 10 min in melk te week.  Tans gebruik ek ook Tip Top, maar vind nie baat nie.  Die 'cuticles' langs die naels (veral duimnael en wysvinger) is ook in 'n slegte toestand.  Nog raat is om die naels met bio-oil te voed.
• "Slow Mag'. Dit is goed vir baie dinge en maak onder andere naels baie sterk. As sy ophou om dit te gebruik breek haar naels aanhoudend.
• Kry Vital se Calmac of Dolomite pille - beide kalsium aanvullers
• Natura se "tissue salts no. 7".  Dit is 'n homeopatiese produk.  My naels was eers so swak -- hulle het gegroei, maar die punte het aanhoudend gesplit, sommer tot in die middel van my naels.  Nou is daar nie meer een oor wat stukkend is nie! Dit is beskikbaar by apteke soos Pharma Valu in Queenswood, Hyper Pharm in Gezina en sekerlik ook by Dischem.  Die prys wissel van so R16 na R20 per bottel van 125 pilletjies.  'n Mens suig drie in die oggend wanneer wakker word en weer drie in die aand voor slaaptyd.
• Ek gebruik Zinplex (R35 by Dischem vir 60 tablette. Dit werk na omtrent 'n maand. Bevat Zink en selenium en is ook goed vir die vel en hare en immuniteit.
• Gebruik gerus van Sally Handson se produkte, beskikbaar by Clicks of enige goeie apteek.  Daar is 'n hele verskeidenheid produkte beskikbaar, die deurskynended naelpolitoer werk soos 'n bom, sit sommer 2 lae op jou naels.
• Produkte wat hare en naels sterk maak of 'n goeie vitamine wat sommer alles inhet. Naels groei stadig, dus sal dit 'n paar maande vat vir die gesonde naels om voor by die vingerpunt uit te kom. Probeer NRF produkte. Dis ontwikkel in SA en die Universiteit van Pretoria is ook betrokke by die navorsing oor hulle produkte sover ek weet.
• AVON se Strong Results.  Dit is soos 'n kleurlose naellak, maar dit trek in die nael in en laat glad nie 'n blink lagie op die nael nie.  Dit werk regtig!
• Om naels sterk te maak koop jy 'n klein botteltjie "formalien" by die apteek.  Haal dan alle naellak af, en gebruik sommer 'n "earbud"  wat in die formalien indip en dan smeer jy dit oor die nael.  Dit maak wel die nael geel, maar dit maak dit ook baie sterk.
• Maak nie saak hoe kort jou naels is nie, dra altyd Cutex, al is dit kleurloos, gooi  3-4  druppels (nie meer nie)  Formalien (te koop by apteke - koop net so 5 ml)  in die Cutex, jy sal verbaas wees hoe sterk jou naels sal word.
• Ek het gelees dat jy sukkel met jou naels.  Ek het myself ook baie bros naels gehad en wat maklik breek totdat 'n vriendin by die werk my vertel het van millionails van essie.  Jy kan dit kry by Diskem apteke. Ek gebruik dit nou al vanaf verlede jaar Desember en my naels is nou so hard en dit groei verskriklik.
• Ek verstaan jou frustrasie (was self daar) totdat 'n baie behulpsame apteekassistent  One and All Naelhardner van Innoxa aanbeveel het. Ek gebruik dit al 13 jaar lank met wonderlike resultate. Glo my ek kom baie gou agter as my botteltjie op is!

~ Terug na begin ~

Neus - bloei

Blousel (ou mense het dit gebruik vir hulle wasgoed). Rasper die blokkie en vat 'n mespunt en snuif dit in die neusgat op wat bloei. My Dr. het dit vir my gegee vir my seuntjie want hy het al pille gedrink en alles gedoen, maar sy neus begin sommer net te bloei. Ek rasper sommer die hele blokkie en hou dit in 'n botteltjie in die medisynekas. Dit werk regtig. Daar gaan 'n lang tyd verby voordat sy neus weer bloei.

~ Terug na begin ~

Olie - op plaveisel

Indien daar olie op die plaveisel of motorhuisvloer gedrup het, kan dit skoongemaak word deur gewone sement op die olie te gooi. Die sement sal die olie absorbeer en kan na 'n dag of wat met 'n besem weggevee word.

Oliebottels  - skoonmaak

Oliebottels kan maklik skoongemaak word deur 'n bietjie koffiemoer in die bottels te gooi en goed te skud. Was daarna uit met skoon water.

Pasteie

Wanneer jy volgende keer 'n eier moet klits om oor pasteie te smeer: GEBRUIK EERDER MAYONNAISE. Dit werk net so goed, jy gebruik net wat nodig is, dit Bevat ook eiers en spaar jy weer 'n eier.

Plafonne

Vir kwaai waterlekke wat die plafonne bruin vlek:  Verf wit padverf daarop.  Die bruin vlekke sal nie weer deurslaan nie.

Plafonne wat klein merkies of vlekke op het, kan weer nuut lyk as dit met wit skoenpolitoer behandel word.

~ Terug na begin ~

Plakkers (Stickers)

• Smeer Brasso aan die etiket en vryf hom af.  Enige taai kolle wat nog oorbly kan met nog 'n bietjie Brasso verwyder word.
• Spuit plakker  met Doom – laat paar sekondes en vryf die plakker af.  Was met gewone skottelgoedseep daarna.
• Dit gaan oor die plakkertjies wat met niks wil afkom nie (stickers). Smeer op die plakkers of op reeds afgetrekte plakkers wat nog gom agtergelaat het KOOKOLIE en laat so 'n rukkie staan en maak dan skoon met ‘n lap.  Dit werk soos ‘n bom op alles wat met 'n plakkertjie gekleed is.

Potty training

Ek het baie goeie raad vir klein seuntjies wat nog hulle broekies vuil maak. My seuntjie was so 2½ jaar oud toe doen hy dit nog. Maar hy't al baie goed verstaan. Het hom vooraf gewaarsku as hy weer sy broekie vuil maak gaan hy dit self uitwas. Toe dit weer gebeur, het ek hom gehelp om die bol in die toilet te gooi, water in die wasbak te tap en die seep vir hom aangegee, sodat hy self die broekie kan uitwas. Teen die tyd het die mannetjie al gehuil, want hy was darem regtig nie lus vir die storie nie, maar hy moes dit maar net doen. Ek het dit later oor gewas toe hy nie by was nie, maar ek verseker jou, dit het gewerk soos 'n bom. Hy't nooit eers weer 'n ongeluk gehad nie. Miskien kan dit iemand anders ook help.

Pynappel

Rasper 'n pynappel deur dit met skil en al in die lengte in kwarte te sny. Rasper so tot teen die skil.

~ Terug na begin ~

Rakke - taai rakke of ander

• Ek weet LDC van Golden Products is werklik goed en dis gesond vir jou hande.
• Gebruik gewone parrafien om die gom af te kry.
• Die gom wat op die papier is, sal heel moontlik die verf op die kas beskadig en dit sal oorgeverf moet word. Om die papier af te haal, kan jy gewone kookolie oorsmeer en laat staan vir 'n dag of twee. Dit sal die papier laat loskom sodat jy dit kan afkrap, maar kan ook die verf beskadig.
• Ek dink dat jy die rakke gewoonweg met Handy Andy of Sunlight Liquid moet skrop om die papier te verwyder. Om die taai af te kry, en dit werk regtig, vryf die taai kolle met Brasso en dit gaan af soos jy nie kan glo nie!! Dis amper te goed om waar te wees, maar dit werk soos 'n bom. Selfs die taai gom op 'n roomysblik se deksel word een, twee, drie verwyder.
• Uit ondervinding weet ek dat dit help om Doom insekdoder op die gom te spuit. Dit neem die taai weg en jy kan dan die voorwerp afwas. Dit werk self vir botteltjies met papier op. Jy spuit dit net op die papier en alles kom los sonder dat dit taai bly.
• Trek die papier af. Koop vir jou van die vloeibare meubelpolitoer. Smeer op, los 'n rukkie. Jy gaan nog 'n bietjie elbow gries nodig he om dit heeltemal af te kry, maar dit is makliker.
• Neem jou haardoroër - blaas die kleefpapier warm tot dit maklik aftrek. Haal die laaste gomme met gewone badseep en warm water en bietjie "elbow-grease" af !!
• Ek het met dieselfde probleem gesit en diê wenk van een van my vriende gekry.  Koop genoeg blikke 'Pledge-meubel politoe' spuit redelik baie oor die area en laat vir 'n ruk. Die papier het ek dan met een van die muur messie (wat jy gebruik vir gate in die muur toe smeer) af geskrap, Op kwaai plekke sal jy dit seker so twe tot drie keer moet herhaal.  Jy kan ook spitirus probeer, maar ek dink die reuk gaan jou dalk aantas!!

Rekenaarwenk

Ek weet nie of dit algemeen bekend is nie, maar ek het eers onlangs uitgevind dat as jy op 'n webwerf is en jy wil een van die skakels oopmaak in 'n nuwe bladsy, dan kan jy net "shift" inhou terwyl jy daarop kliek. Dit is dieselfde soos om met die muis te "regs kliek" en dan die "open in a new browser" opsie te kies. [Koekoes]

~ Terug na begin ~

Reuke

Aanbrandsels:  Sprinkel sout en kaneel oor aanbrandsels op die stoof om die reuk te verwyder. Die kombuis sal gevul word met 'n aangename geur.

In Yskas:

• Wat ook hiervoor gaan werk is om steenkool in die yskas te sit, of dan nou 'n paar houtskoolblokkies. Koolstof word in hierdie tipes toerusting wat vir die doel gebruik word, gebruik (geaktiveerde koolstof). Maak net eers jou yskas op die gewone manier skoon, en gooi 'n paar stukke steenkool daarin. Nog iets anders, kleiner stukke gaan beter werk, of vinniger. Want die kontakoppervlakte word groter.
• Twee snye swart geroosterde brood as jy nie steenkool het nie.
• Om stank te verdryf uit 'n vrieskas ens.  Was goed met se maar Handy Andy of so iets en Plaas 'n paar Swembad- Chloor-balletjis in 'n oop houer in die kas en maak die deur toe. As dit nie werk nie sal niks werk nie!
• Vir reuke in yskas het ek eenkeer gehoor 'n deurgesnyde pynappel werk.
• Hier is 'n wenk om die uiereuk uit jou plastiekbakkies te kry.  Plaas die houer in die son vir 'n paar uur.

Roesvlekke

Al wat werk, uit eie ondervinding (Suzette) is Wynsteensuur.  ‘n Bietjie saam met water op die vlek en vryf. 

Room

Voeg 'n half teelepel suurlemoensap by room om dit baie gouer mooi styf te klop.

~ Terug na begin ~

Sement vir gebreekte glase

Dit is nie algemeen bekend dat gewone aluin in 'n ysterlepel gesmelt, 'n baie sterk sement is om glase, porselein, ens. mee te las nie. Voorwerpe daarmee heelgemaak, kan gewas word, sonder dat dit sal losgaan.

Sinkplate

Om vars gegalvaniseerde sink of geute te verf, was dit eers met blouviterjoel of kopersulfaatoplossing.. (verkrygbaar by apteke en baie goedkoop ook) dit maak die sink swart ... was goed af met water ... en verf wanneer baie warm en baie droog ... die kwas moet amper vaskleef so warm moet die sink wees ... dan het jy geen onderlaag nodig en dit dop voorrwaar nie af nie ...
Dis een van die beste wenke wat ek nog ooit teegekom het en het dit gereeld as verfkontrakteur gebruik.

~ Terug na begin ~

Sinus

• My kinders het net so gesukkel met sinus, ek het by die apteek "Health Tones se Sinus & Allergies" gekoop, dit is 'n homeopatiese druppel, R100, jy gooi net vier tot ses druppeltjies in 'n bietjie water, dit is nou nie baie lekker nie, maar my seuntjie hou altyd 'n botteltjie koeldrank byderhand sodra hy klaar die slegte medisyne gedrink het vat hy 'n sluk koeldrank, en ek moet se dit werk, probeer dit gerus.
• Simpatie met jou. Het darem twee sulke seuns groot gekry. Behalwe die Gautengse lug het hulle ook nog allerlei allergieee gehad vir kosse ook. Probeer miskien dat sy soutwateroplossing snuif. (1 teelepel elk van sout, koeksoda en suiker opgelos in 1 liter water). Sout vir steriliteit, koeksoda vir ph-faktor om te neutraliseer of iets en suiker vir olierigheid. Die naasbeste vervanging vir seewater. Mens het altyd in Pretoria by 'n Apteek wat langs die ou Garlicks was (waar Sammy Marks-gebou nou is), so 'n oulike glasspuitjie gekry (het soos worshondjie sonder bene gelyk).
• Hierdie spuitjie het dan gehelp om die water in die neusie op te snuif. Allerhande gagga goeters kom dan uit die neusies uit. LW hulle hou gewwoonlik nie van die oefening nie. Chloorwater in swembaddens is gewoonlik ook 'n groot vyand. Die twee en 'n halwe jaar wat ons in Kaapstad gewoon het was my kinders nooit siek nie. Hulle is baie lief vir swem en die see. As hulle net begin snuif het, het ons (somer of winter) die see getakel en die seewater kans gegee om die sinusholtes weer goed uit te spoel! Ons was drie weke terug in die ou destydse Transvaal toe het die jongste weer longontsteking. Hoop jy kom reg. Hou moed - weet net na so om en by die twaalfde of dertiende jaar gaan dit gewoonlik beter.
• Ek het jou vragie in Danie se nuusbrief gesien i.v.m jou dogter se sinus, maagpyn en loopneusie. Ek en my man was ook ernstige lyers van sinus en loopneus en dit agv allergie. Mens moet die allergene probeer beperk - nou jy kan nie veel doen aan die lug nie, maar dis heel moontlik iets anders wat haar ook soveel prikkel dat haar lyfie heeltyd moet veg teen al wat allergeen is. Soos voorgestel deur 'n bekende patoloog het ons gevind dat suiwel (melk en kaas sjokolade, ens) sitrus (lemoene veral) en brood groot sondebokke is.
• Nadat ons die goed uitgesny het, het die alewige loopneus en sinus drasties en amper onmiddellik opgehou en is nou beperk tot seisoensveranderinge wanneer ons soms nog hooikoors kry. Deur brood (eintlik koring en rysmiddel "yeast") uit te skakel het my maagpyn en namiddaglomerigheid ook padgegee. Sny die goed uit vir sowat 3 weke uit haar dieet en kyk hoe vaar sy. Jy kan die melk vervang met bok/soja/rys melk, brood met rys of mieliekoekies. Pasop ook vir MSG, kleurmiddels en preserveermiddels. Bly sover moontlik daarvan af weg - lees al die bestanddele op elke voedselmiddel wat jy koop.
• Jy sal skrik as jy sien hoeveel "gif" ons elke dag inneem. Dis die dinge wat ons natuurlike weerstand teen allergene afbreek en ons die heeltyd laat siek voel. Homeopate kan ook middels voorskryf wat baie sal help om haar gestel weer op te bou en haar natuurlike weerstand te versterk - my seun het baie baat daarby gevind. Lees ook gerus die boeke van Mary-Ann Scheurer "Healthy Kids" en "The Natural Way".
• My eie dogtertjie word ook hierdie jaar sewe en ek het lank gesukkel met haar sinusse (altyd 'n toe of snotneusie, eet met oop mond ens. seker jy ken al die simptome) en elke ander week se ander medisyne is ook nie altyd goed nie. My dokter het my aanbeveel om haar op 'n spesiale dieet te sit en dit het klaar wondere verrig. Die basiese beginsel van die dieet is om alle kleur-, geur- en preserveermiddels uit te skakel: m.a.w. in plaas van aanmaakkoeldrank gebruik suiwer vrugtesap effens verdun met water of Ceres junior juice wat 'n vermenging van vrugtesap en rooibostee is of goeie ou Clifton.
• In plaas van lekkergoed gee iets soos gedroogte vrugte of vars vrugte en joghurt. En so aan. Aan die begin is dit nie so lekker nie, maar hulle raak dit gou-gou gewoond. Suiker is 'n groot euwel - dit veroorsaak baie slym - rooibostee of kafeien vrye koffie met 'n bietjie heuning - melk moet ook beperk word - gebruik lae vet melk dit is nie heeltemal nodig vir vet vry nie. Dan kan jy ook natuurlike hulpmiddels by 'n homeopaat kry. Basies gaan jy terug na die vootrekkerdae toe alles natuurlik was met geen kleurmiddels, geurmiddels of preserveermiddels nie. Dit is dan ook die rede waarom gewone medisyne nie altyd werk nie, omdat dit ook vol van die bogenoemde is.
• Ek weet dit is bykans onmoontlik om al hierdie dinge uit te skakel, veral lekkergoed. Probeer maar net  -  jy sal verbaas wees as jy eers sien hoe maklik dit eintlik is. Diabetiese of tuisgemaakte lekkergoed is baie goeie plaasvervangers en as ons dan moet koop hou dit by malvalekkers. Blou, groen, pers en rooi is veral baie "slegte" kleurmiddels. 'n Mens kan nog rondom die ander eksperimenteer. Baie sterkte, jy kan my gerus skakel as jy enige verdere navrae het, ek verstaan hoe raad-op mens kan raak!
• Ek het weer ondervinding van 'n dogter wat baie hooikoors kry in die Kaap maar hier in die droe Noord-Kaap gaan dit baie beter, maar nou trek ons weer terug na die Wes-Kaap. Ons het regtig alles probeer toe sy klein was (nou 17 jaar oud) en het van Dokters en Pediaters gegaan. Ons kom toe by Dr Roy Gordon in die Kaap. Hy se toe die eerste ding wat ons van haar moet weghou is kosse met preserveermiddels in. Veral Swael Dioksied. Sy mag toe geen ander koeldrank drink as helder appelsap en Sprite nie.
• Gaan lees gerus op kosse wat dit bevat en jy sal verstom wees watter kosse bevat alles preserveermiddels wat nadelig is vir hooikoorslyers. Vermy ook alle suiwelprodukte soos melk, kaas en roomys want dit veroorsaak slym. Vermy lemoen- en koejawelsappe, want dit maak ook slym en irriteer die keel. Jong, ek het regtig enige iets probeer om haar te help om die hooikoors te verlig maar sy is baie allergies vir huismyte en muf. Nou dit is die moeilikste om te beheer. Maar probeer regtig eers om die preserveermiddels en suiwel te vermy.
• Op die oomblik gee ek maar vir haar "Sinfrontal" for Sinusitis, Sneezing and postnasal drip. Dit word gemaak deur Natura en is te koop by enige apteek. Ek is teen hierdie ander hooikoors-middels wat die kinders lomerig maak want hulle moet skool gaan . As jy enige ander raad ontvang laat weet my gerus, ek sal regtig enige iets doen om hulle te help om beter te voel.
• As jy sukkel met verstopte sinusse, probeer hierdie een. Meng 1 t koeksoda, 1 t sout en ½ k louwarm water saam. Gooi daarvan in 'n leë spuit houertjie (vir die neus) en spuit elke nou en dan jou neus om dit oop te kry.

~ Terug na begin ~

Skoene - wat druk

• Steek 'n spons of lappie in kokende water en hou dit vir 'n paar minute op die plek. Trek dan die skoen uit en vryf van binne met 'n tandeborselsteel of iets anders met 'n stomp punt.
• Leerskoene kan met baie warm kraanwater natgemaak word.  Trek dun sokkies aan om voete te beskerm.  Trek dan die warm nat skoene aan en loop met dit tot dit droog is.  Die skoene het dan na jou voete gevorm.  Ek doen dit elke keer as ek nuwe skoene koop en het nog nooit blase aan my voete of tone gekry nie.  Die skoene beskadig ook gladnie.

Skottelgoedseep

Gebruik die plastiek tipe tweeliter koeldrankbottels. Gooi twee bottels koue water (dus 4 liter water) in 'n kastrol. (Groot genoeg om sowat 11 liter vloeistof te kan neem)  Plaas die kastrol op 'n stoofplaat wat op die hoogste hittegraad aangeskakel is.

Terwyl die water stadig warm word gooi die volgende in die kastrol:

• 2 Bottels Anti Bacterial Dishwashing Liquid (1,5 liter elk) of enige ander tipe vloeibare skottelgoedseep.
• 1 Kg Waspoeier. Die goedkoopste wat jy in die hande kan kry. Op die stadium koop ek Daisy High Foam. Die tipe waspoeier wat jy vir outomatiese wasmasjiene koop is nie so geskik nie omrede dit minder skuim en ook duurder is.
• Ek gebruik 'n houtlepel om die mengsel stadig deur te roer.
• Hierna gooi ek nog twee, tweeliter bottels warm kraanwater by die mengsel (dus nog 4 liter warm water). Roer die mengsel steeds stadig deur.  Hierna kom die laaste twee bestanddele by:
• 1 Groot opskeplepel Glycerine en 4 groot opskeplepels Spirits (Blou pers menthylated spirits)

Roer alles goed deur. Wanneer die water amper kookpunt bereik, haal die mengsel van die stoofplaat af en laat dit heeltemal afkoel. Gooi daarna oor in bottels vir verdere gebruik.

Dit lewer sowat 11 liter skottelgoedseep.

~ Terug na begin ~

Skottelgoedwas

'n Wenk vir almal wat so lui is soos ek om laatnag skottelgoed te was. Spuit 'n oplossing skottelgoedseep en water op die stoof, potte en ander skottelgoed. (Laat die eetgerei in 'n roomysbak met water week). Die volgende oggend vee jy net die stoofoppervlak af, en potte en ander skottelgoed is sag en reg vir die was.

Skroewe - geroes

Maak 'n dun yster rooiwarm en hou dit op die kop van die skroef. Gebruik dan dadellk die skroewedraaier.

Slakke

Hou slakke van plante weg deur eierdoppe rondom die plante te strooi. Vaseline wat rondom potte gesmeer is, hou ook slakke weg van potplante.

~ Terug na begin ~

Sooibrand

• Op die nuwe Afrikaanse TV-kanaal - Kyknet, is daar 'n program wat genoem word Ja-Nee-Medies. Op dié program het die dokter wat dit aanbied verskeie kere gesê dat 'n ou baie water [8 glase per dag] moet drink. Volgens hom help dit vir baie dinge.
• Meng 'n botteltjie Turlington op 1 blikkie kondensmelk en vat elke oggend op jou nugtermaag 'n teelepel vol. Dis vrek sleg, maar hy reken dit vat jou maagseer skoon weg. Ek doen dit nou en vind dat die dae wat ek dit doen ek geen sooibrand kry nie en die dae wat ek dit oorslaan vrek ek van sooibrand. So dit lyk my of daar waarheid in steek.

Sooibrand – tamatie-en-uiemoes

As tamatie- en uiemoes gemaak word vir braaivleis of ander geregte, gooi 'n kwart koppie melk op die end by en roer goed. Dit voorkom sooibrand by die mans.

~ Terug na begin ~

Sop

Om die vet van sop af te skei, gooi die sop deur 'n doek wat goed natgemaak is in koue water.

Sousbottel

Draai 'n pypskoonmaker om 'n sousbottel se nek. Dit sal verhinder dat die sous teen die bottel afloop en die tafeldoek vlek.

Soutpotjie

Gooi 'n droë ertjie in 'n peperpot om te voorkom dat die peper saamkleef.

Speed Queen

Naomi het die volgende wenke gekry nadat sy 'n navraag in ons hulpnavrae geplaas het. Sy skryf:

Ek het vreeslik baie terugvoer gekry oor my navraag oor my Speed Queen wat wit merke op my klere laat, nie minder as 21 nie.  Die meeste mense wou ook weet wat se antwoorde ek kry.  Jammer ek kon nie persoonlik antwoord nie.  Hoop hierdie is genoeg antwoord.

Eerstens, my eie ervaring.  Ek het die tolvrye nommer op die BioClassic karton geskakel en heerlik met Elize gesels.  Eienaardig genoeg, sy het my toe ook gemail, min wetend dat ons 'n week terug gesels het!!

Die BioClassic karton beveel aan dat jy jou masjien "uit kook".  Die het ek toe halfhartig gedoen met gewone warm water, sonder enige resultate, daarom dat ek haar gebel het.  Sy sê toe ewe dierbaar, daar is 'n rede waarom hulle op die boksie sê : maak met emmers tot BO vol!! Ek het toe maar emmers vol baie warm water, en 'n ketel of 2 ook ingegooi, letterlik tot bo.  Daar het bietjie water uitgespat maar dit was die minste.  Lyk my daar is 'n randjie wat nooit water kry nie en daarin pak vullis saam.  Ek het hom 2 keer gekook, met 8 lepeltjies Bioclassic op sy langste wastyd.  Ongelukkig het ek dit net verlede week gedoen, so ek het nog net 1 keer intussen wasgoed gewas en al daardie swart goed was sonder kolle.

Elize verseker my ons sal my masjien skoon kry, al moet ons hom ook 8 keer kook.  Dis 'n langsame proses, maar sover lyk dit of dit werk.

Die algemene konsensus was dat daai ding in die middel (pulsator), 'n groot sondebok is waarin die Stasoft aanpak,  maar lyk my die meeste mense weet dat 'n mens hom kan uithaal en mooi skoon skrop.  'n Goeie idee is om die Stasoft nie in die middel te gooi nie maar direk in die water wanneer jy by die uitspoelsiklus is, maar dit kos goeie tydsberekening - en onthou!!

Hier is die ander rate wat ek gekry het.

Antoinette uit die Boland:

Gaan kry 'n houertjie caustic soda, die goed wat ons in die drein gooi.

Tap die warmste moontlike water in jou wasmasjien. Heel vol. Los omtrent die helfte van die caustic soda in kookwater op en gooi in wasmasjien .Laat die water koud word. Gebruik 'n groot emmer of houer en los daarin nog 'n bietjie caustic soda op en plaas die wurm en sy goeters daarin. Sodat alle vulles kan sag word om makliker af te kom.

Ek het altyd sterinappi gebruik, maar nou's ek lankal uit doeke en kleintjies uit!

Oppas vir kaalhande in die caustic soda water. Maak 'n mens se hande baie droog en skurf.

As die wurm (soos sy die pulsator noem) skoon is en die water koud , borsel die deel van die drom,  wat onder die wurm is, ook goed skoon.  Plaas die wurm, sonder die boonste goeters , terug en laat die wasmasjien deur was. Spoel uit. Nou kom die groot job. Jy kan nog warmwater gebruik om mee uit te spoel of koue. Die vuilgoed is nou los.  Nou moet jy spoel en spoel tot daar nie meer sulke grys velletjies uitkom nie. Onthou ook om die uitttappyp se bek skoon te maak.Krap sommer met iets daar in .

André

Skakel die krag af. Reg onder die beheer paneel is net twee skroewe wat die paneel vashou. Draai hulle uit. Nou kan jy die hele paneel agteroor slaan uit jou pad uit. Jy sal twee veerbelaaide metaal straps sien wat links en regs die voorpaneel vashou. Knip hierdie vere uit deur 'n sterk skroewedraaier te gebruik. Nou kan jy die hele voorste paneel optel en wegvat. Nou kan jy die drom sien. Die drom word toegehou deur die plastiek sirkel wat ook net vasklip. Verwyder die ring. Dit is baie maklik. Tussen die staal drom en die plastiek buite balie is waar al die swart gemors is. Jy behoort nou maklik daar in te kom. Jy kan ook die middelste regop pilaar in die balie los-skroef en dan die drom uit-tel. Dit help baie. Hierdie is die eenvoudigste manier. Jy kan kook water ingooi soveel jy wil. Dit help nie regtig nie. Enige ander bytmiddels is ook maak nutteloos. Die vuil uitkrap en uitwas met die hand is die enigste manier. GLO MY MAAR.

Ben

Ons het ook 'n Speed Queen en het dieselfde probleem gehad met die kolle op swart klere, nadat ons talle verskillende was poeiers probeer het was bioclassic vir 'n lank tydperk die beste. Ons het intussen 'n ander waspoeier ondek wat ongelukkig nie in die winkels beskikbaar is nie net deur 'n verspeidings netwerk. Die waspoeier laat die minste kolle agter. Soos ek verstaan gebruik die vervaardigers van die was poeiers mielie meel of papier paste as 'n basis en dit is wat die kolle veroorsaak, wel vervaardigers van die nuwe poeier gebruik sout as 'n basis wat ook dan die kolle heeltemal verminder omdat sout beter oplos en ook help met die skoonmaak proses.

Udo

Wat vir my gehelp het was om die "Pulsator" uit te haal sodat die drom nie meer die plastiese binnestuk in het nie.

Haal hom heeltemal uitmekaar en maak skoon.  Doen dit elke maand, afhangende van hoeveel jy was.

Was dan die masjien met skoon water en 'n bottel asyn uit.  As die siklus halfpad is, stop, laat staan vir 15-20 min met asynwater daarin.  Voltooi dan siklus.

Was nog eenkeer met skoon water uit.

Sonet

Ek en 'n kollega het presies dieselfde probleem as jy.  Ek het gevind as ek nie die dure stasoft koop nie, maar sommer die house brand of iets dergliks wat nie so dik is nie, is die kolle baie min.  Ek gooi ook eers 'n bietjie kookwater in daai middelste dingetjie en dan van die stasoft.  Bewaar jou egter as jy die sakkies stasoft koop wat nog aangemaak moet word, dan's dit net kolle.  Ek wil nog die stasoft vir donker kleure probeer, maar is bietjie skrikkerig, want dis mos ook dik.

Susan

Was jy so 1 x in 3 maande jou masjien uit met "Sun" (Skotelgoedmasjien se poeier)? Was ook gereeld die waterfilters.

Ek, die wit kolle en die SpeedQueen, hoofstuk 2

Soos belowe, hier is nog terugvoer oor bogenoemde probleem.  Jammer vir die langdradige storie, maar dis nie iets wat 'n mens in 'n paar woorde kan sê nie.

So lê André Smith se verduideliking oor hoe om die masjien skoon te maak, vanuit die terugvoer wat ek gekry het, op die kas en wag dat ons genoeg moed kan bymekaar skraap om dit uit te voer.  Op die Erfenisdag sien manlief toe die kolle op sy dogter se klere toe ons die wasgoed van die draad af haal en besluit net daar, tot hier toe en nie verder nie.

Gewapen met Andre se instruksies pak ons toe die taak aan.  Eerstens alle eer aan Andre, alles wat hy sê is waar en werk net so, met 'n klein aanpassing hier en daar.  Ook dat die taak so om en by 2 ure vat!!

In elk geval, toe ons nou als uitgehaal het en by die bodem van die masjien uitkom, was dit omtrent vir jou 'n ding. Ek is eintlik te skaam om te vertel wat ek hier gekry het, omdat ek bang is mense sal dink ek is 'n slegte huisvrou, maar vertel ek dit nie, sal die storie nie die regte impak hê nie.  So, moet nie te sleg van my dink nie.  Ter my eie verdediging wil ek net sê dat dit die eerste keer in 9 jaar is wat ek dit doen!

Onder in die masjien was daar sulke dik aanpaksels dat ek dit met skraaper moes afkrap.  My man het die drom na buite geneem en moes dieselfde daarmee doen.  Met 'n skraaper en Goldie locks, het ons omtrent geskrop en geskuur.  Ons het alles toe weer mooi teruggesit en aanmekaar gelas, en nou glo ek hy is so goed soos nuut.

As jy eers sien wat se gemors daar binne-in is, sal jy eintlik dink daai kolle is nie te erg nie!!  Ek glo 'n mens moet hom nou maar elke 6 maande uitkook soos op die BioClassic pakkie gesê word, en dan miskien 1 maal 'n jaar hierdie taak aanpak en hom skoon skuur.

Ek sit weer André se instruksies by vir die wat dit dalk verloor het en sê weer, ek dink ook dis al wat gaan werk.

Aan André, baie baie dankie.  Aan Eg Afrikaans, dankie vir die forum om sulke goeie raad te kan kry. [Groete, Monica]

André se raad

• Skakel die krag af. Reg onder die beheer paneel is net twee skroewe (myne het 3) wat die paneel vashou. Draai hulle uit. Nou kan jy die hele paneel agteroor slaan uit jou pad uit.

• Jy sal twee veerbelaaide metaal straps sien wat links en regs die voorpaneel vashou. Knip hierdie vere uit deur 'n sterk skroewedraaier te gebruik.

• Nou kan jy die hele voorste paneel optel en wegvat.

• Nou kan jy die drom sien. Die drom word toegehou deur die plastiek sirkel wat ook net vasklip. Verwyder die ring. Dit is baie maklik.

• Tussen die staal drom en die plastiek buite balie is waar al die swart gemors is. Jy behoort nou maklik daar in te kom.

• Jy kan ook die middelste regop pilaar in die balie los-skroef en dan die drom uit-tel. Dit help baie. Hierdie is die eenvoudigste manier.

• Jy kan kook water ingooi soveel jy wil. Dit help nie regtig nie. Enige ander bytmiddels is ook maak nutteloos. Die vuil uitkrap en uitwas met die hand is die enigste manier. GLO MY MAAR.

Spek

Spek sal nie omkrul as dit in kookwater gedoop word voordat dit gebraai word nie.

~ Terug na begin ~

Spuitmiddel  - veilig vir die Tuin

Hierdie spuitmiddel sal insekte verjaag sonder om hulle dood te maak en is baie veilig in die tuin.

Neem 20 Liter warm water
Voeg een eetlepel koeksoda by
Voeg twee eetlepels Jeyes Fluid by
Vlok een vyfde van 'n steen blouseep in mengsel in
Roer goed tot al die bestanddele opgelos is

Stank - in yskas

• Om stank te verdryf uit 'n vrieskas ens.  Was goed met se maar Handy Andy of so iets en Plaas 'n paar Swembad- Chloor-balletjis in 'n oop houer in die kas en maak die deur toe. As dit nie werk nie sal niks werk nie!
• Vir reuke in yskas het ek eenkeer gehoor 'n deurgesnyde pynappel werk.

Stofsuier

Maak elke Saterdag jou stofsuier se sak skoon - dit bespaar elektrisiteit.

Suurmelk

Moet nooit suurmelk weggooi nie. Dis uitstekend in gebak en maak deeg ligter as vars melk.

~ Terug na begin ~

Tamatie- en uiemoes

As tamatie- en uiemoes gemaak word vir braaivleis of ander geregte, gooi 'n kwart koppie melk op die end by en roer goed. Dit voorkom sooibrand by die mans.

Tamatiesop

'n Knippie kerriepoeier by tamatiesop verbeter die smaak.

Tamatiesous

Gebruik 2 kg Tamaties waarvan die kern en pitte verwyder is, 2 koppies suiker, ¼ koppie appelasyn, ½ teelepel sout.  Versap die bestandele saam en kook by 'n lae hitte vir ongeveer 1½ uur.  Roer gereeld.
Gooi deur 'n sif om stukkies te verwyder Voeg 1verpoeierde Vitamien C tablet by om die kleur te behou.  Vries of lê die tamatiesous in vir latere gebruik
Rissiepoeier of paprika kan voor die kook proses bygevoeg word vir smaak.

~ Terug na begin ~

Teëls

Om teëls in die kombuis of badkamer mooi te laat blink, gooi 'n bietjie paraffien by die water waarmee hulle afgewas word.

Teer – op motors

Haal af met Margarien of Paraffien

~ Terug na begin ~

Teerkolle

Teerkolle op klere kan verwyder word deur bloekomolie op die kolle te smeer en dit daarna met warm water te was.

Teevlekke

Smeer gelyke dele van gliserien en geel van 'n eier aan goed wat teevlekke op het. Laat dit daaraan droog word. Was dit dan met helder koue water. Dit sal die vlekke uithaal.

Tennisskoene

Deur tennisskoene se witsel met melk i.p.v. water aan te smeer, verhoed dat die witsel sal afgee

Termiete

100 ml water
200 ml suiker
50 ml Borax
Maak een mengsel hiervan. Kleine beetjes gieten waar de mieren zijn. Zij dragen het naar hun nesten. Zie je ze er om heen staan, dat is goed. Het neemt een paar weken voordat je ziet dat het werkt. MAAR HET WERKT!! RIA

~ Terug na begin ~

Toilet - gevlek

Om 'n gevlekte toilet skoon te maak is swembadsuur net die ding.

Tupperware

• Ek hou so een maal per jaar 'n "Jik-dag" wanneer ek al die tupper-deksels en so meer laat le in 'n groot skottel met warm water en 'n goeie hoeveelheid Jik/Domestos. Dit werk baie goed en alles lyk weer splinternuut en skoon..
• Spuit jou 'tupperware' gerus met Brillo of Mr Muscle oondskoonmaker en na 'n paar minute, was jy af met lekker warm seep water, dit werk wonderlik en beskadig nie jou 'tupperware' nie.
• Raad teen taai Tupperware, ek het gevind as ek die Tupperware met 'n bietjie Brasso skoonmaak en dan in lekker warm seepwater was is al die taai weg.

~ Terug na begin ~

Uie - Gesmoorde

Gooi 'n bietjie asyn of suiker by uie wat gesmoor word. Dit sal 'n lieflike ligbruin kleur en 'n aangename geur aan die uie verleen.

Urinereuke - Honde en katte

• Meng 'n botteltjie vanieljegeursel met dieselfde hoeveelheid Dettol (slegs Dettol), op 750 ml water. Gooi in spuitkannetjie en spuit op aangetaste dele, vrylik op matte, banke, gordyne en selfs in die lug as lugverfrisser. Dit werk wonders en ruik heerlik skoon en vars. En dit neutraliseer die reuk geheel en al.
• Om reuke van kat- en hondepiepie uit jou matte te kry - probeer die volgende raat. Gewaarborg om reuke te verwyder en matte silwerskoon te maak:
   
  Kook saam:
  1 kg. Surf
  750 ml. Spirits
  2 botteltjies bloekomolie
  5 liter water

Gebruik soos matsjampoe in jou matwasser en verdun voor gebruik. [Hermien]

~ Terug na begin ~

Varings

Meng 1 t brandspiritus en 1 k water baie goed. Gooi oor die varings en kyk hoe mooi groei hulle.

Vensters - skoonmaak

• Ek sien iemand het 'n wenk gegee hoe om vensters skoon te maak. My wenk is spotgoedkoop en werk baie, baie goed. So goed bv op motors se vensters dat as jy binne die motor sit, dit  lyk of daar nie 'n ruit in is nie. Was die ruit af met water en dan maar 'n bietjie seep, sommer skottelgoedwasmiddel. Spoel af en vryf dit droog met 'n stuk opgevrommelde koerantpapier. Jy sal jou ruit nie herken nie.
• Om vensters 'n goeie glans te gee, steek 'n doek in spiritus en vryf die glas goed op. Maak daarna met skoon droë leer blink.

~ Terug na begin ~

Verf

• Om verf te verwyder: Meng 1 pond wassoda, 2 onse kalk en 8 koppies kookwater. Smeer dit so warm oor die verf.
• Borsels en rollers: As 'n mens 'n paar dae se geverf het om te doen, en wil nie elke dag die verf borsels of rollers was nie, draai dit in Gladwrap toe en bere in die vrieskas.. Ontvries  so 1/2 uur voor jy weer begin verf en alles is as of jy nou net opgehou verf het
• Verfkolle: Verfkolle op vensters kan verwyder word met asyn.
• Verfspatsels: Voorkom verfspatsels teen vensterruite wanneer jy verf deur nat koerantpapier teen die ruite vas te druk.  Die koerant kleef lank genoeg en word maklik verwyder.

Vernis

Gebruik "ZEB" om ou vernis en aangepakte vuilheid van ou houtmeubels af te haal. Spuit aan en die vuilis borrel letterlik af. Vee dan dadelik af met lap en skoon water. Dit beskadig nie die hout nie en dring diep in al die groefies en krakies in.

Vetkolle

Om vetkolle te verwyder van klere, spuit gewone Doom op die kol en vryf die kol en spoel uit.

~ Terug na begin ~

Vinke - om vinke weg te hou van palms af

Die raad wat ek gehoor is om aluin kristalle op te los en dit op die blare te spuit. My swaer doen dit en sy palms is pragtig.

Om kerswas van materiaal te verwyder Plaas 'n stuk koerantpapier bo-oor die materiaal en stryk met 'n lou yster. Die was sal dan in die papier in trek en die materiaal sal weer skoon wees.

Vis

Gooi bietjie asyn by olie waarin vis gebraai word. Die vis absorbeer minder olie.

Vismotte en motbolle

Goeie ou raad: Onthou julle die motbolle in die seisoenklere se wegpakplek en die komberse. Vergeet daarvan, want die reuk kry jy buitendien nooit uit. Rasper Sunlight Wasgoedseep (die groen blokke) in die kas/sak waar jy dit bêre - niks meer stanke en hou alle ongediertes daar uit!

So gepraat van Motbolle: Gooi van die goed op jou huis se plafon en geen muis of rot sal dit naby die plafon waag nie. Ons verpes muise en rotte en muise en rotte verpes die reuk van Motbolle.

~ Terug na begin ~

Vleis - gebrand

Gooi vars melk oor gebrande vleis om die brandsmaak te verminder.

Vlekke op matte

Sodawater of wit asyn haal gewoonlik hardnekkig vlekke soos rooiwyn en bloed uit matte uit.

Vlekvryestaal

Om messegoed van vlekvryestaal skoon te kry, maak die opwasbak in jou kombuis halfvol water, voeg 'n halwe koppie huishoudelike bleikmeiddel daarin en week die messegoed 'n halfuur lank.  Spoel deeglik af en vryf droog.

Vlermuise

As jy 'n skerp lig in die dak installeer en aanskakel nadat hulle uitgevlieg het, sal die lig hulle pla as hulle wil terug invlieg.

Naftaleen bolletjies (vismot-gif) verdryf die vlermuise. Die belangrikste is om die gate waar hulle inkom toe te maak as hulle uit die dak is.

~ Terug na begin ~

Vlieë

Vir lastige vlieë, gooi gewone asyn wat mens in kos gooi in klein bakkies of deksels en plaas dit op onooglike plekke bv bo-op yskas ens. Die suur reuk jaag die vlieë weg, al nadeel is dat dit vinnig verdamp (na 3 dae) maar bly nog steeds goedkoper as enige gifstowwe.

Vlooie

• Strooi Karbadust op die matte en laat dit vir 'n ruk voordat die matte gesuig word.  Dit is veilig om ook die troeteldiere daarmee te poeier.
• Ons het regtig baie geld spandeer aan middels om die vlooie op die honde dood te kry. Alles op die mark probeer maar sonder sukses. Hierdie eenvoudige raat het egter die probleem opgelos. Was die honde met Sunlightseep in water waarin 2 proppies Dettol opgelos is. Spoel ook af met Dettolwater.

Voorruit – vetterig

Was die ruit met Coke, Dit moet coke wees. Coke bevat Fosforsuur. Dit suur breek die vet af. Was dan die ruit na die soos gewoonlik.

~ Terug na begin ~

Vratjies

• Die eerste een is vir vratjies. Neem 'n botteltjie Turlington. Hou die bek van die botteltjie oor die vratjie sodat hy mooi seël. Dop die botteltjie om sodat die Turlington oor die vratjie lê. Hou hom so 30 sekondes en dop die botteltjie weer terug. Doen dit soggens en saans vir omtrent so vier na vyf dae. Die vratjie sal so na 'n week-en-'n-half afval. Die raad werk regtig want ek het twee vratjies gehad wat op die manier verwyder is toe ek nog op laerskool was.
• 'n Ander raat wat baie beslis help vir vratjies is om Lennons se bruindulsies op die vrat te smeer. Doen dit 'n paar keer en hy's weg vir altyd. Die enigste probleem is dat die bruindulsies deesdae in Suid-Afrika, baie skaars is. Weet ons Hollandse vriende of dit nog daar by julle beskikbaar is
• Neem 'n stukkie suurlemoenskil wat die vratjie net-net toemaak, en laat dit week in swart asyn vir 24 uur, haal dan die stukkie uit en plaas die wit kant van die skil op die vratjie en bind dit toe vir 48 uur. Glo my na 'n rukkie klop die vrat asof hy wil inkom êrens, maar dit gaan ook oor. Sodra jy na 2 dae die storie afhaal, sal die vrat van die binnekant af swart word en afval. Ek het vingerafdrukke waar my vrat nog op my middelvinger was, en nou is daar nie eers 'n merkie wat wys daar was iets nie.  (Lynette)
• 'n Tekort aan vit A is soms die oorsaak van vratte. Vit A is toksies in groot hoeveelhede en die aanbevole hoeveelhede moet nie oorskrei word nie. Dit kan soms tot 4 maande neem om te help. Dit spreek dus die oorsaak aan eerder as om net  die vratjie te probeer verwyder.
• Lastige vratte? Wend 2 maal daagliks gewone terpentyn aan en laat droogword. Dit brand nie en na ± 2-3 weke is die fratte weg.
• Lenon se Witdulsies werk ook soos 'n bom.

~ Terug na begin ~

Vrugtekoek

As jy 'n ryk vrugtekoek maak, voeg 'n koppie warm, sterk koffie in plaas van melk by om die kleur van die koek te verdonker en die geur te verbeter.

Wag

Koos en Rachel uit Houston het hierdie tong-in-die-kies gestuur:

Gooi sout op en wag,
Gooi soda op en wag,
Gooi 'n mengsel van  vloeibare seep en peroxide op en wag,
Gooi melk op en wag,
Laaste gooi 'n klein bietjie wit wyn op en wag.

Drink  die res van bottel wit wyn wat oor is en wag, totdat dit nie meer saak maak nie.

~ Terug na begin ~

Warmfles

Wanneer warm vloeistof in 'n fles gegooi word, plaas 'n mes onder in die fles om te voorkom dat dit bars.

Watte

Om watte te vermeerder, rol die watte af (dit word normaalweg in 'n rol verkoop), en sit stuk vir stuk in 'n 100grade Celsuis oond vir plus minus 'n halfuur. Die watte sal 2 - 3 maal sy grootte uitpof, en siedaar, maak baie van min!

~ Terug na begin ~

Wintershande en voete

(Harde knoppies wat dan pynlik is)

• Probeer die aloe gel en daarna die heel balm oor (as handeroom) werk uitstekend!
• Traxa - te koop by apteke - werk wondere. Hoop jy kom reg
• EMULSIFYING OINTMENT BP. Dit ruik soos kar olie en is vetterig -dit kos so tussen R 25.00 en R 30.00 n pot by die Apteek.
• Ek het 'n ou boereraat vir jou.  As dit wit geryp is in die oggend moet jou kaalvoet in die ryp gaan loop en ook jou hande op die gras vee waar dit geryp is en alles sal oor gaan, dit het gehelp vir my suster se dogter toe sy op skool was en het nog nooit weer las gehad daarvan nie.
• Meng een klein Campher Cream blikkie (die wit een) met 5 Grandpa poeiers. Smeer dit  3 keer 'n dag aan jou hande en voete.
• Probeer gerus Miracle Comfrey. Daar is nie 'n salf wat beter werk nie.
• Ek gebruik Circulation Formula van A. Vogel - dis homopatiese druppeltjies wat mens in water drink en dit help regtig vir my.
• My dogter van 8 jaar kry nou winters ore.  Sulke knoppe op die rante van haar oor wat baie jik.  My vriendin se toe ek moet spirits aansmeer, wat ek wel gedoen het.  Dit is nou seker al 'n week gelede en sy het nog nie weer gekla nie.
• Ek het 'n vriendin wat met die probleem sukkel, sy het 'n boereraat van haar skoonma gekry en volgens haar werk dit soos 'n bom. Jy gaan koop lee kapsules by 'n apteek en vul hulle met Cayenne Pepper, drink een daagliks. Hoop dit werk vir jou.
• Jong, ek het ook wintersvoete gehad.  My tone was baie rooi en geswel. Iemand het vir my die raat gegee om Lennon se Witdulsies te gebruik.  Jy maak wattetjie nat daarmee en smeer aan.  Aanvanklik vir my was dit asof dit erger geword het die eerste paar dae wat ek dit gebruik het, maar dit is nou 7 jaar later en het nog nie weer een winter dit gehad nie.  Vir my het dit gehelp.  Ek dink ek het net vir so 'n week of twee aangesmeer sommer so twee keer per dag.  Wanneer jy dit aansmeer, jeuk dit vreeslik vir die eerste rukkie, maar dan kalmeer dit.
• Probeer melksalf of meng olyfolie en suiker en vryf goed in en spoel suiker af en droog liggies af en vryf die hande tot al die oilie geabsorbeer is
• "Dubbin " skoen politoer help ook vir voete.
• Meng kers was met parafin 50/50 en smeer soggens en saans aan. Dit help ook vir gebarste voete in warm weer waneer sandale gedra word
• Laat jou dokter vir jou "paroven" pille voorskryf.  Dit werk.

~ Terug na begin ~

Wonde

• Bloeiende snywonde:  Met ons kerkbasaar verlede jaar was ons besig om beeste af te slag toe ek my vinger 'n diep sny toedien en hy vreeslik aan't bloeie gaan. Selfs 'n pleistertjie kon dit nie stop nie. 'n Ou oom sê toe ek moet peper daarop gooi, sommer so 'n dik hoop van dit. Ek wou eers nie want ek was vrekbang dit sal brand. Uit desperaatheid doen ek dit toe maar en die resultaat: Bloeding stop onmiddellik en geen gebrand nie.
• Brandwonde: As jy jouself gebrand het en jy het nie 'n room/salfie daarvoor nie, gryp sommer 'n buisie tandepaste en smeer dit aan. Dit trek die brand sommer gou uit.
• Rou wonde: My seun het sowat 4 weke gelede geval en hom ernstig beseer. Gesigwonde - redelike diep afgeskuurde vel en harsingskudding. Die dokter het antibiotiese salf voorgeskryf en na 1 dag se gebruik het hy gestaak met die aansit en oorgeslaan na ons bekende Zambuk (sambok) salf. 5 dae na die ongeluk moes hy weer gaan vir plate en die dokter was verstom om net die rooi merke op sy gesig te sien. Die dokter wou nie glo dat die gewone samboksalf die wonde so gou kon genees nie. Hy het aangedring om die buis met antibiotiese salf te sien en daarna het hy gesê dat dit verstommend is want die voorgeskrewe salf sou nie die wonde so vinnig genees het nie. Ek wil net vir die lesers sê dat die rate en ou middels nie afgeskryf moet word nie, somtyds is dit nog steeds beter as die nuwe middels.

Wyn - oorskiet

Moenie die bietjie wyn wat oorbly weggooi nie. Vries dit in blokkies en gebruik in disse en souse.

Yskasreuke

Neem 'n halwe suurlemoen en skep van die binneste deel uit met 'n  lepel. Daar moet bietjie suurlemoen agterbly. Vul met sout en plaas in 'n bakkie agter in die vrieshokkie/yskas.

~ Terug na begin ~